კასპის მუნიციპალიტეტში ადგილობრივი ხელისუფლების და საზოგადოების წარმომადგენლებმა ომის ვეტერანებთან ერთად პატივი მიაგეს 2008 წლის აგვისტოს ომში დაღუპულთა ხსოვნას. ამის შესახებ ინფორმაციას კასპის მუნიციპალიტეტის მერია ავრცელებს.

მერიის ცნობით, ქალაქის ცენტრში შეკრებილებმა გვირგვინით შეამკეს საქართველოს ტერიტორიული მთლიანობისათვის დაღუპულ გმირთა მემორიალი. მამა ალექსანდრემ მათი სულის მოსახსენიებელი პანაშვიდი გადაიხადა.

“ომს, კასპის მუნიციპალიტეტიდან 4 მებრძოლი შეეწირა:  გელა თიგიშვილი, იოსებ ბეჟუაშვილი,  ალბერტ ბალხამიშვილი და კახა კოშაძე.

კასპის დაბომბვისას დაიღუპა რკინიგზის მეისრე მურაზ მერებაშვილი, რომელიც სამსახურებრივ მოვალეობას ასრულებდა.

მუნიციპალიტეტის მერმა, ვახტანგ მაისურაძემ და საკრებულოს თავმჯდომარემ, შოთა ბეგლარაშვილმა ყოფილ მებრძოლებთან ერთად, სოფელ ხოვლეში კახა კოშაძის, აღაიანში სოსო ბეჟუაშვილის, ბოჟამში ალბერტ ბალხამიშვილისა და სოფელ კოდისწყაროში გელა თიგიშვილის საფლავები გვირგვინებით შეამკეს“,- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

კობახიძე: შესაძლოა ზოგიერთი პოლიტიკური გაერთიანების აკრძალვის სარჩელში პარტიების დასახელებების ცვლილება ან დამატება

სუს: 12 საქმეზე გამოვლენილ კორუფციულ დანაშაულებთან დაკავშირებით დაკავებულია 30 ადამიანი

კობახიძე უვიზოზე: ჩვენ გვაქვს სწორი კურსი, კურსი უნდა გაასწოროს ევროკავშირმა

უკრაინამ იორდანიაში აშშ-ის ბაზების დასაცავად დრონების სპეციალისტები გაგზავნა