აჭარის ჯანმრთელობისა და სოციალური დაცვის მინისტრმა, ნინო ნიჟარაძემ და მინისტრის მოადგილეებმა, 2008 წლის აგვისტოს ომში დაღუპული ჯარისკაცების ხსოვნას პატივი მიაგეს და მთავრობის წევრებთან ერთად, მემორიალი ყვავილებით შეამკეს. ამის შესახებ ინფორმაციას აჭარის ჯანდაცვის სამინისტრო ავრცელებს. 

მათი ცნობით, აჭარის მთავრობის თავმჯდომარის ინიციატივით, 2024 წელს აჭარის ჯანდაცვის სამინისტროს "2008 წლის რუსული აგრესიისა და ავღანეთის სამშვიდობო მისიის (2007-2021 წწ) დროს დაღუპული და დაზიანების შედეგად შეზღუდული შესაძლებლობის სტატუსის მქონე მეომართა ოჯახების დახმარების" პროგრამის ფარგლებში, გაიზარდა პროგრამის ბიუჯეტი, ბენეფიციარებისთვის გასაცემი თანხის მოცულობა და მოსარგებლე პირთა არეალი.

"კერძოდ:

▪️ აგვისტოს თვეში ერთჯერადი მატერიალური დახმარება გაეწია 32 მეომრის ოჯახს - თითოეულს  ნაცვლად 3 000 ლარისა, 10 000 ლარის ოდენობით. 

▪️ პროგრამას ბენეფიციარებად დაემატა 2007-2021 წლებში ავღანეთის სამშვიდობო მისიის დროს დაღუპული და დაზიანების შედეგად შშმ ჯარისკაცების ოჯახები.

▪️ დედისა და ქალთა საერთაშორისო დღესთან დაკავშირებით მატერიალური დახმარება გაეწია დაღუპული/მიღებული დაზიანებების შედეგად შეზღუდული შესაძლებლობის სტატუსის მქონე სამხედრო მოსამსახურის დედებსა და მეუღლეებს, თითოეულს  ნაცვლად 1 000 ლარისა, 5 000  ლარის  ოდენობით, სულ  39  ბენეფიციარს.

პროგრამა ითვალისწინებს 2008 წლის რუსული აგრესიისა და ავღანეთის სამშვიდობო მისიის (2007-2021წწ) დროს დაღუპული 24 მეომრისა და დაზიანების შედეგად შეზღუდული შესაძლებლობის სტატუსის მქონე 8 მეომრის ოჯახის სოციალურ და მორალურ მხარდაჭერას, ოჯახებზე მატერიალური დახმარების გაწევით. პროგრამის ბიუჯეტი 515 000 ლარს შეადგენს. 

▪️ 2024 წლის ბიუჯეტი გასულ წელთან შედარებით  322 000 ლარით გაიზარდა",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია