"ჰამასის“ პოლიტიკური ლიდერის, ისმაილ ჰანიეს დაღუპვის გამო, თურქეთში 2 აგვისტო გლოვის დღედ  გამოცხადდა. ამის შესახებ თურქეთის პრეზიდენტმა, რეჯეფ თაიფ ერდოღანმა სოციალურ ქსელში დაწერა.

ერდოღანი წერს, რომ პალესტინელ ხალხს მხარდაჭერასა და სოლიდარობას უცხადებს.

"იმისთვის, რათა ვაჩვენოთ ჩვენი მხარდაჭერა პალესტინური საქმის მიმართ და სოლიდარობა ჩვენი პალესტინელი ძმებისადმი, 2 აგვისტო გლოვის დღედ გამოცხადდა "ჰამასის“ პოლიტიკური ბიუროს ხელმძღვანელის, ისმაილ ჰანიეს გარდაცვალების გამო“,- დაწერა ერდოღანმა.

ერდოღანმა სამძიმარი გამოუცხადა პალესტინელ ხალხს.

"გულმოწყალებით ვიხსენებ ისმაილ ჰანიეს და ყველა პალესტინელ მოწამეს და ვუსამძიმრებ პალესტინელ ხალხს ჩემი და ჩემი ერის სახელით”, - წერს სოციალურ ქსელში პრეზიდენტი.

ცნობისთვის, 31 ივლისს, ირანის ისლამური რევოლუციის გუშაგთა კორპუსმა (IRGC) და "ჰამასმა" გაავრცელეს ინფორმაცია, რომლის მიხედვითაც, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს. ჰანიე ბოლოს საჯაროდ 30 ივლისს ირანის პრეზიდენტის, მასუდ პეზეშქიანის ინაუგურაციაზე ნახეს. ის ახალ პრეზიდენტს და ირანის უზენაეს ლიდერს, აიათოლა ალი ხამენეისაც შეხვდა. ისმაილ ჰანიე "ჰამასის" პოლიტბიუროს ხელმძღვანელად 2017 წელს აირჩიეს. 2018 წელს ამერიკის შეერთებული შტატების სახელმწიფო დეპარტამენტმა ის ტერორისტად გამოაცხადა. ჰანიე ბოლო რამდენიმე წლის განმავლობაში კატარში ცხოვრობდა.

ავტორი: ექსპრესნიუსი,

სოციალური ქსელები

კახა კალაძის სიტყვით გამოსვლა, „ქართული ოცნების“ საარჩევნო კამპანიის რეგიონულ ღონისძიებაზე რუსთავში. სრულად

„ქართული ოცნების“ საპატიო თავმჯდომარის, ბიძინა ივანიშვილის სიტყვით გამოსვლა, „ქართული ოცნების“ საარჩევნო კამპანიის რეგიონულ ღონისძიებაზე რუსთავში - სრულად

აშშ-ს საიდუმლო სამსახურმა ილონ მასკზე გამოძიება დაიწყო ტვიტერის გამო, რომელიც ბაიდენის და ჰარისის მკვლელობას ეხებოდა

ისრაელის საჰაერო ძალებმა სამხრეთ ლიბანში ათობით საპასუხო დარტყმა განახორციელეს