ამერიკის შეერთებული შტატები არ იყო ჩართული "ჰამასის“ ლიდერის, ისმაილ ჰანიეს მკვლელობაში,- ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

სინგაპურში, ადგილობრივ მედიასთან საუბრისას ბლინკელმა თქვა რომ "ეს არის ის, რის შესახებაც არ იცოდნენ და არ იყვნენ ჩართულები".

ბლინკენს ასევე ჰკითხეს, შეიძლება თუ არა, რომ მომხდარს ომის მიმდინარეობაზე გავლენა ჰქონდეს, რაზეც სახელმწიფო მდივანმა თქვა:

"მრავალი წლის განმავლობაში ვისწავლე, რომ არასდროს მოვახდინო სპეკულაცია იმასთან დაკავშირებით, თუ რა გავლენა შესაძლოა იქონიოს ერთმა მოვლენამ რაღაცაზე“.

ბლინკენმა აგრეთვე ხაზი გაუსვა ღაზაში ცეცხლის შეწყვეტისა და მძევლების გათავისუფლების მნიშვნელობას. მისივე თქმით, ამის მხარდასაჭერად აშშ ყველაფერს გააკეთებს.

ცნობისთვის, ირანის ისლამური რევოლუციის გუშაგთა კორპუსმა (IRGC) და "ჰამასმა" გაავრცელეს ინფორმაცია, რომლის მიხედვითაც, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს. ჰანიე ბოლოს საჯაროდ გუშინ, 30 ივლისს ირანის პრეზიდენტის, მასუდ პეზეშქიანის ინაუგურაციაზე ნახეს. ის ახალ პრეზიდენტს და ირანის უზენაეს ლიდერს, აიათოლა ალი ხამენეისაც შეხვდა. ისმაილ ჰანიე "ჰამასის" პოლიტბიუროს ხელმძღვანელად 2017 წელს აირჩიეს. 2018 წელს ამერიკის შეერთებული შტატების სახელმწიფო დეპარტამენტმა ის ტერორისტად გამოაცხადა. ჰანიე ბოლო რამდენიმე წლის განმავლობაში კატარში ცხოვრობდა.

ავტორი: ექსპრესნიუსი,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა