რუსეთის საგარეო საქმეთა სამინისტრო "ჰამასის" პოლიტიკური ლიდერის, ისმაილ ჰანიეს დაღუპვას "სრულად მიუღებელ პოლიტიკურ მკვლელობას“ უწოდებს. ამის შესახებ რუსული სამთავრობო-პროპაგანდისტული მედია "რია ნოვოსტი" წერს.

მედიის ცნობით, უწყება ირანის დედაქალაქ თეირანში მომხდარ ფაქტს გმობს. 

ქვეყნის საგარეო საქმეთა მინისტრის მოადგილემ, მიხაილ ბოგდანოვმა განაცხადა, რომ "ჰამასის“ ლიდერის მკვლელობა დაძაბულობის შემდგომ ესკალაციას გამოიწვევს".

ცნობისთვის, ირანის ისლამური რევოლუციის გუშაგთა კორპუსმა (IRGC) და "ჰამასმა" გაავრცელეს ინფორმაცია, რომლის მიხედვითაც, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს. ჰანიე ბოლოს საჯაროდ გუშინ, 30 ივლისს ირანის პრეზიდენტის, მასუდ პეზეშქიანის ინაუგურაციაზე ნახეს. ის ახალ პრეზიდენტს და ირანის უზენაეს ლიდერს, აიათოლა ალი ხამენეისაც შეხვდა. ისმაილ ჰანიე "ჰამასის" პოლიტბიუროს ხელმძღვანელად 2017 წელს აირჩიეს. 2018 წელს ამერიკის შეერთებული შტატების სახელმწიფო დეპარტამენტმა ის ტერორისტად გამოაცხადა. ჰანიე ბოლო რამდენიმე წლის განმავლობაში კატარში ცხოვრობდა.

ავტორი: ექსპრესნიუსი,

სოციალური ქსელები

ფონ დერ ლაიენმა გაკიცხა ნატოს გენერალური მდივანი, რომელმაც თქვა, რომ „შეერთებული შტატების გარეშე უსაფრთხოება არ არსებობს“

რუბიო ამბობს, რომ ტრამპი მშვიდობასა და დასავლურ ღირებულებებს ესხმის თავს, რადგან „ევროპაზე ზრუნავს“

როიტერი: ტრამპი ირანის წინააღმდეგ მრავალკვირიანი ოპერაციის დასაწყებად ემზადება

6 წელზე მეტი წლოვანების ავტომობილების შემოყვანაზე აკრძალვა ელექტრომობილებს არ შეეხება