2024-07-31 09:25:42, 454 ნახვა
მსოფლიო
ABC News - ირანი აცხადებს, რომ თეირანში „ჰამასის“ პოლიტიკური ლიდერი ისმაილ ჰანიე მოკლეს
![]() ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს. ამის შესახებ ინფორმაციას ABC News-ი ირანის ისლამური რევოლუციის გუშაგთა კორპუსის (IRGC) განცხადებაზე დაყრდნობით ავრცელებს. ABC News-ის ცნობით, ჰანიეს დაღუპვას ადასტურებს "ჰამასიც" და აცხადებს, რომ პოლიტიკური ბიუროს ხელმძღვანელი ირანის ახალი პრეზიდენტის, მასუდ პეზეშქიანის ინაუგურაციაში მონაწილეობის შემდეგ, საკუთარ სახლში მოკლეს. მომხდართან დაკავშირებით "ჰამასის" პოლიტიკური ოფისის წევრმა, მუსა აბუ მარზუკმა განცხადება გაავრცელა და აღნიშნა, რომ "ჰანიეს მკვლელობა ლაჩრული ქმედებაა და არ დარჩება უპასუხოდ". ფაქტს უკვე მოჰყვა სხვა გამოხმაურებებიც. პალესტინის პრეზიდენტმა, მაჰმუდ აბასმა მკაცრად დაგმო მომხდარი და მას "ლაჩრული აქტი" უწოდა. განცხადება გაავრცელა "ისლამურმა ჯიჰადმაც" და თქვა, რომ მათ "ჰანიეს სიკვდილი ხელს არ შეუშლის". (ისმაილ ჰანიე და მასუდ პეზეშქიანი) ჰანიეს დაღუპვის გამო მწუხარება გამოთქვა IRGC-მა. განცხადებაში, რომელიც გავრცელდა მის მიერ კონტროლირებადი მედიის განყოფილების Sepah news-ის მიერ, ნათქვამია, რომ ჯგუფი იძიებს "ინციდენტის მიზეზს" და შედეგს მოგვიანებით გამოაცხადებს. ამავე განცხადებაში ირანის ისლამური რევოლუციის გუშაგთა კორპუსმა თქვა, რომ ჰანიე და მისი ერთ-ერთი მცველი "მოწამეობრივად დაღუპულები" არიან. ისმაილ ჰანიე ბოლოს საჯაროდ გუშინ, 30 ივლისს ირანის პრეზიდენტის, მასუდ პეზეშქიანის ინაუგურაციაზე ნახეს. ის ახალ პრეზიდენტს და ირანის უზენაეს ლიდერს, აიათოლა ალი ხამენეისაც შეხვდა. (ისმაილ ჰანიე და აიათოლა ალი ხამენეი) გავრცელებული ინფორმაციით, შეხვედრის დროს პრეზიდენტმა "ჰამასის" ლიდერს უთხრა, რომ ირანი "დადგება პალესტინელი ხალხის გვერდით", ჰანიემ კი ირანს "საპატიო პოზიციისთვის" მადლობა გადაუხადა. ცნობისთვის, ისმაილ ჰანიე "ჰამასის" პოლიტბიუროს ხელმძღვანელად 2017 წელს აირჩიეს. 2018 წელს ამერიკის შეერთებული შტატების სახელმწიფო დეპარტამენტმა ის ტერორისტად გამოაცხადა. ჰანიე ბოლო რამდენიმე წლის განმავლობაში კატარში ცხოვრობდა.
თბილისში საქართველოს საზოგადოებრივი ასამბლეა დაფუძნდა
კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დაბლოკა
კურსიკის ოლქში რუსეთის სამეთაურო ცენტრზე დარტყმის შედეგად, 20 ოფიცერი დაიღუპა
ჯო უილსონი — ივანიშვილის რეჟიმის ყველა მძევალი და პოლიტპატიმარი უნდა გათავისუფლდეს
|
რედაქტორის რჩევით
ომი უკრაინაში![]() კურსიკის ოლქში რუსეთის სამეთაურო ცენტრზე დარტყმის შედეგად, 20 ოფიცერი დაიღუპა
![]() უკრაინელებმა რუსების მიერ გაშვებული 67 დრონი ჩამოაგდეს
ვიდეო/LIVE საზოგადოებრივი მაუწყებლის სამეურვეო საბჭოს სხდომა - 3 თებერვალი, 2025
|