2024-07-27 12:00:33, 307 ნახვა
საზოგადოება
საქართველოში ერთიანი ეროვნული გამოცდები დასრულდა
![]() 2024 წლის ერთიანი ეროვნული გამოცდების ძირითადი სესიები 26 ივლისს დასრულდა, იუწყება საქართველოს შეფასებისა და გამოცდების ეროვნული ცენტრი. პირველადი შედეგებით, ერთიან ეროვნულ გამოცდებზე გამოცხადდა აპლიკანტთა დაახლოებით 93%, სტუდენტური გრანტების კონკურსზე აპლიკანტთა 71%, საერთო სამაგისტრო გამოცდაში - 79%, პედაგოგთა გამოცდაში - 84%. ასევე დაფიქსირდა დამხმარე მასალის გამოყენების მცდელობის გამო გამოცდიდან შეჩერების ერთი შემთხვევა. „მიმაჩნია, რომ წლევანდელმა გამოცდებმა წარმატებით ჩაიარა და ეს განპირობებულია ამ მნიშვნელოვანი პროცესის ორგანიზებაში ჩართული ყველა თანამშრომლის დამსახურებით. საბუთების გადამოწმება უკვე დაწყებულია. შედეგების გამოქვეყნება აგვისტოს დასაწყისში ქართული ენისა და ლიტერატურის გამოცდის პირველი შედეგებით დაიწყება. სხვა საგნებზე შედეგები ეტაპობრივად გამოცხადდება. მიღებული ქულა და მისი ნამუშევარი გამოსაცდელს შეეძლება ნახოს ვებგვერდზე: online.naec.ge. აპლიკანტებს კიდევ ერთხელ შევახსენებ, რომ მათ შესაძლებლობა ექნებათ სარეგისტრაციო განაცხადში მიუთითონ და შეცვალონ საგანმანათლებლო პროგრამები აპელაციების შედეგების გამოქვეყნებიდან მეორე დღიდან. ამიტომ, მინდა ვთხოვო, რომ ყურადღებით გადახედონ თავიანთ არჩევანს და სურვილის შემთხვევაში შეიტანონ ცვლილებები პროგრამების სარეიტინგო სიაში. ასევე ძალიან მნიშვნელოვანია ცვლილებების დამახსოვრება „შენახვის“ ღილაკის გამოყენებით“, - ამბობს შეფასებისა და გამოცდების ეროვნული ცენტრის დირექტორი ნინო წერეთელი, წერს SOVA. 2024 წელს საქართველოს მასშტაბით 24 საგამოცდო ცენტრი გაიხსნა. გამოცდებზე დარეგისტრირდა დაახლოებით 80 ათასი აპლიკანტი, მათ შორის ერთიან ეროვნულ გამოცდებზე 47 ათასზე მეტი აპლიკანტი; სტუდენტური საგრანტო კონკურსისთვის 3000-ზე მეტი სტუდენტი; საერთო სამაგისტრო გამოცდაზე 10000-ზე მეტი კანდიდატი დარეგისტრირდა, სასწავლო გამოცდაზე კი 18900-ზე მეტი აპლიკანტი.
ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
მედია - ყირგიზეთმა მოძრაობა „თალიბანი“ ტერორისტული ორგანიზაციების სიიდან ამოიღო
Reuters - ვიეტნამში ტაიფუნ „იაგის“ შედეგად დაიღუპა 4 და დაშავდა, სულ მცირე, 78 ადამიანი
ჯანდაცვის მინისტრი, აკადემიკოს ფრიდონ თოდუას 80 წლის იუბილესადმი მიძღვნილ სამეცნიერო კონფერენციაზე სიტყვით გამოვიდა
|
ომი უკრაინაში![]() ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
რუსეთის თავდაცვა - რუსმა სამხედროებმა დონეცკის ოლქის სოფელი კალინოვო დაიკავეს
![]() დონეცკის სამხედრო ადმინისტრაცია - რუსეთის ძალებმა ქალაქ კონსტანტინოვკაზე საარტილერიო იერიში მიიტანეს - დაღუპულია 3 ადამიანი
ვიდეო/LIVE საქართველოს დამოუკიდებლობის დღე - პირდაპირი
![]() ჰელსინკის კომისია - ოპოზიციის შევიწროებისთვის „ოცნება“ თაღლითური ქოლ-ცენტრების ქსელიდან მიღებულ შავ ფულს ეყრდნობა
მთავარი თემა
|