2024-07-26 15:35:23, 416 ნახვა
ომი უკრაინაში
პოდოლიაკი - რუსეთთან შეთანხმების ხელმოწერა ეშმაკთან გარიგების ტოლფასია
![]() უკრაინის პრეზიდენტის ოფისის მრჩევლის, მიხაილო პოდოლიაკის განცხადებით, უკრაინაში ომის დასასრულებლად რუსეთთან შეთანხმების ხელმოწერა "ეშმაკთან გარიგების ტოლფასი იქნება". პოდოლიაკის თქმით, შეთანხმება რუსეთის პრეზიდენტს, ვლადიმირ პუტინს მხოლოდ "დროს მისცემს, გააძლიეროს არმია და დაიწყოს ახალი, ამ ომში პოტენციურად უფრო ძალადობრივი თავი". "თუ გსურთ, ეშმაკთან გარიგების დადება, რომელიც შემდეგ ჯოჯოხეთში ჩაგითრევთ, მაშინ გააკეთეთ ეს. ასეთია რუსეთი... თუ დღეს რუსეთთან, რომელიც არ დამარცხდება ომში და არ იქნება სამართლებრივად პასუხისმგებელი მასობრივ დანაშაულებზე, რამეზე მოაწერთ ხელს, ეს ნიშნავს, რომ თქვენ გამოიწერთ ბილეთს ამ ომის გაგრძელებაზე სხვა მასშტაბით, სხვა მოქმედი პირებით, მოკლული და ნაწამები ადამიანების განსხვავებული რაოდენობით“,- აღნიშნა პოდოლიაკმა. პოდოლიაკი მიიჩნევს, რომ სამშვიდობო შეთანხმება მხოლოდ გადაავადებს უფრო დიდი მასშტაბის ძალადობას. „დიახ, ამან, შესაძლოა, გაყინოს კონფლიქტი გარკვეული დროით. თუმცა, ეს ნიშნავს, რომ რუსეთი იმუშავებს თავის შეცდომებზე და განაახლებს საკუთარ არმიას. აგრესორი ქვეყანა არ მოსულა უკრაინის ტერიტორიაზე სამშვიდობო შეთანხმების ხელმოსაწერად. ეს სისულელეა“,- თქვა პოდოლიაკმა.
ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
მედია - ყირგიზეთმა მოძრაობა „თალიბანი“ ტერორისტული ორგანიზაციების სიიდან ამოიღო
Reuters - ვიეტნამში ტაიფუნ „იაგის“ შედეგად დაიღუპა 4 და დაშავდა, სულ მცირე, 78 ადამიანი
ჯანდაცვის მინისტრი, აკადემიკოს ფრიდონ თოდუას 80 წლის იუბილესადმი მიძღვნილ სამეცნიერო კონფერენციაზე სიტყვით გამოვიდა
|
ომი უკრაინაში![]() ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
რუსეთის თავდაცვა - რუსმა სამხედროებმა დონეცკის ოლქის სოფელი კალინოვო დაიკავეს
![]() დონეცკის სამხედრო ადმინისტრაცია - რუსეთის ძალებმა ქალაქ კონსტანტინოვკაზე საარტილერიო იერიში მიიტანეს - დაღუპულია 3 ადამიანი
ვიდეო/LIVE საქართველოს დამოუკიდებლობის დღე - პირდაპირი
![]() ჰელსინკის კომისია - ოპოზიციის შევიწროებისთვის „ოცნება“ თაღლითური ქოლ-ცენტრების ქსელიდან მიღებულ შავ ფულს ეყრდნობა
მთავარი თემა
|