2024-07-26 09:35:00, 342 ნახვა
საზოგადოება
სვანეთში 2 მოქალაქის ძებნა-შველის ოპერაციაში ვერტმფრენი ჩაერთო
სვანეთში 2 დაკარგული მოქალაქის ძებნა-შველის ოპერაციაში დილიდან სასაზღვრო პოლიციის ვერტმფრენი ჩაერთო.
ამის შესახებ ინფორმაცია "ექსპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში დაუდასტურეს.
საგანგებო სიტუაციების მართვის სამსახურის მიერ გუშინ, 25 ივლისს გავრცელებული ინფორმაციის თანახმად, საძიებო სამუშაოებში სახანძრო-სამაშველო ძალებთან ერთად, ჩართულია შინაგან საქმეთა სამინისტროს ყველა შესაბამისი დანაყოფი. დაკარგულებს ეძებენ სამაშველო დრონებითაც.
მათივე ცნობით, 2 მოქალაქის გაუჩინარების შესახებ შეტყობინება 112-ში 24 ივლისს შევიდა.
ავტორი: ექსპრესნიუსი,