13:00 - 22 Jul, 2024
ჩვენ შესახებ რეკლამა/ხელმოწერა
2024-07-10 17:06:46, 431 ნახვა

საზოგადოება
მონაცემთა დაცვის სამსახური - მოგიწოდებთ, თავი შეიკავოთ უცხო ნომრებიდან მოკლეტექსტური შეტყობინებებით მიღებული საეჭვო ბმულების გახსნისგან

პერსონალურ მონაცემთა დაცვის სამსახური საზოგადოებას მოუწოდებს, უცხო ნომრებიდან მოკლეტექსტური შეტყობინებებით მიღებული საეჭვო ბმულების გახსნისა და პერსონალური მონაცემების გაზიარებისგან თავი შეიკავოს.

როგორც სამსახურის მიერ გავრცელებულ განცხადებაშია ნათქვამი, პერსონალურ მონაცემთა დაცვის სამსახურში შესულია მიმართვები, რომლებიც სსსკ-ით გათვალისწინებულ სავარაუდო დანაშაულის ნიშნებს შეიცავს, რის გამოც, ისინი გენერალურ პროკურატურაში გადაიგზავნა.

"გვსურს, საზოგადოებას მივაწოდოთ ინფორმაცია უცხო სატელეფონო ნომრებიდან, მოკლეტექსტური შეტყობინებების გაგზავნის ფაქტების თაობაზე, რომლითაც, შეტყობინების გამგზავნი პირები, მონაცემთა სუბიექტებს აწვდიან ინფორმაციას გზავნილის საწყობში მიღებასთან და მისამართის ცვლილების საჭიროებასთან დაკავშირებით. ამასთან, მოკლეტექსტური შეტყობინებების ბოლოს, მითითებულია ბმული, რომელზე გადასვლის შემთხვევაშიც, მონაცემთა სუბიექტებს თხოვენ მათი პერსონალური მონაცემების, მათ შორის, პირადობის დამადასტურებელი მოწმობის ნომრის და საბანკო ბარათის მონაცემების მითითებას.

პერსონალურ მონაცემთა დაცვის სამსახური მოგიწოდებთ, თავი შეიკავოთ უცხო ნომრებიდან მოკლეტექსტური შეტყობინებებით მიღებული საეჭვო ბმულების გახსნისგან და თქვენი პერსონალური მონაცემების გაზიარებისგან.

განსახილველ შემთხვევაში, რამდენადაც, პერსონალურ მონაცემთა დაცვის სამსახურში წარმოდგენილ მომართვებში მითითებული ფაქტობრივი გარემოებები შეიცავს საქართველოს სისხლის სამართლის კოდექსით გათვალისწინებულ სავარაუდო დანაშაულის  ნიშნებს, ისინი გადაგზავნილ იქნა საქართველოს გენერალურ პროკურატურაში, შემდგომი რეაგირებისთვის",- აღნიშნულია განცხადებაში. 




ავტორი: ექსპრესნიუსი,


სოციალური ქსელები
Geely Sakartvelo მომხმარებელს ერთწლიან შიდა უპროცენტო ლიზინგს სთავაზობს
ბაიდენის საპრეზიდენტო არჩევნებიდან გასვლის შემდეგ, დემოკრატიულმა პარტიამ ერთ ონლაინ შემოწირულობებით დღეში 50 მილიონი დოლარი შეაგროვა
პროკურატურამ სხვისი ნივთის მოტყუებით დაუფლების მცდელობის ფაქტზე 3 პირს ბრალი წარუდგინა
საქართველოში მიწისძვრა მოხდა

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics