2024-07-04 12:41:01, 286 ნახვა
პოლიტიკა
არასამთავრობოები - მთავრობის კურსი ევროკავშირში გაწევრების პროცესის შეჩერებას იწვევს
მთავრობის კურსი ევროკავშირში გაწევრების პროცესის შეჩერებას იწვევს,- ამის შესახებ ნათქვამია ერთობლივ განცხადებაში, რომელსაც არასამთავრობო ორგანიზაციების ნაწილი ავრცელებს. 20-ზე მეტი ორგანიზაცია მოუწოდებს საქართველოს ხელისუფლებას, გაიწვიოს "რუსული კანონი" და შეასრულოს ევროკომისიის მიერ განსაზღვრული 9 ნაბიჯი. "2024 წლის 27 ივნისს გამართულმა ევროპულმა საბჭომ, რომელიც ევროკავშირის 27 წევრი ქვეყნის ლიდერს აერთიანებს, საქართველოში ბოლო პერიოდში განვითარებულ მოვლენებსა და დემოკრატიულ რეგრესზე სერიოზული წუხილი გამოხატა. ევროკავშირის წევრი ქვეყნების ლიდერების შეფასებით, რუსული კანონის მიღება გასულ წელს ევროკომისიის მიერ საქართველოსთვის მიცემული 9 ნაბიჯის შესრულების პროცესში ცალსახა უკუსვლაა. 9 ნაბიჯის შესრულება ევროპული ღირებულებებისადმი ერთგულებასთან ერთად, ევროპულ კავშირში გაწევრიანების მოლაპარაკებების დაწყების წინაპირობას წარმოადგენს. ევროპულმა საბჭომ საქართველოს ხელისუფლებას მოუწოდა, სიცხადე შეიტანოს თავის განზრახვებში აღებული კურსის შეცვლის გზით, რაკი ეს საფრთხის წინაშე აყენებს საქართველოს ევროკავშირისკენ მიმავალ გზას და "გაწევრიანების პროცესის დე ფაქტო შეჩერებას გამოიწვევს". ამასთან, ევროპულმა საბჭომ ხელისუფლებას მოუწოდა, 2024 წლის შემოდგომაზე უზრუნველყოს თავისუფალი და სამართლიანი არჩევნების ჩატარება და დაასრულოს სამოქალაქო საზოგადოების წარმომადგენლების, პოლიტიკური ლიდერების, სამოქალაქო აქტივისტებისა და ჟურნალისტების მიმართ წარმოებული ფიზიკური თავდასხმები, დაშინებები და მუქარა. ევროკომისია შემოდგომაზე წარმოადგენს გაფართოების მორიგ ანგარიშს, რომელშიც სხვა საკითხებთან ერთად შეფასებული იქნება საქართველოს მიერ ევროკომისიის მხრიდან განსაზღვრული 9 ნაბიჯის შესრულება. საქართველოს ევროკავშირში გაწევრიანების პროცესის გაყინვის საფრთხე რეალურია, რასაც ასევე ადასტურებს ევროკავშირისა და მისი წევრი სახელმწიფოების მაღალი თანამდებობის პირთა მიერ გაკეთებული განცხადებები. აღნიშნულის შემთხვევაში, ევროპული კავშირის ამ გადაწყვეტილებაზე პასუხისმგებლობა სრულად ეკისრება საქართველოს ხელისუფლებას. ზემოხსენებულიდან გამომდინარე, გვსურს, კიდევ ერთხელ მოვუწოდოთ ხელისუფლებას:
ავტორი: ექსპრესნიუსი, ნიკოლ ფაშინიანმა მასუდ პეზეშკიანს ირანის პრეზიდენტად არჩევა მიულოცა
საარჩევნო ადმინისტრაციამ დღეიდან საარჩევნო ტექნოლოგიების საყოველთაო დემონსტრირება დაიწყო
ჩინეთის ერთ-ერთ ქალაქში ტორნადოს შედეგად 5 ადამიანი დაიღუპა - არიან დაშავებულებიც
ჩიქოვანი - ჩვენთვის გაუგებარია გადაწყვეტილება, რომელიც „ღირსეული პარტნიორის“ გაურკვეველი ვადით გადადებას უკავშირდება
|
ომი უკრაინაშიუკრაინელმა სამხედროებმა გასულ ღამეს რუსეთის 27 დრონიდან 24 ჩამოაგდეს
რუსულმა უპილოტო თვითმფრინავებმა სუმის ოლქში ენერგეტიკული ინფრასტრუქტურა დააზიანეს
პუტინი - კიევის ხელისუფლება თავს უფლებას არ აძლევს, რომ ცეცხლის შეწყვეტაზე იფიქროს
ვიდეო/LIVE საქართველოს დამოუკიდებლობის დღე - პირდაპირი
|