2024-07-01 12:22:23, 661 ნახვა
ომი უკრაინაში
რუსეთმა დნიპროზე იერიში მიიტანა - არიან დაშავებულები [ვიდეო]
რუსმა ოკუპანტებმა დნიპროზე იერიში მიიტანეს, რის შედეგადაც 7 ადამიანი დაშავდა. ამის შესახებ ინფორმაციას დნეპროპეტროვსკის ოლქის ადმინისტრაციის ხელმძღვანელი სერგეი ლისაკი სოციალურ ქსელში ავრცელებს.
ლისაკის ცნობით, დაშავებულთა შორის 15 წლის ბიჭია.
"ერთი ქალი ჰოსპიტალიზებულია, დანარჩენები ამბულატორიულ მკურნალობას გადიან",- წერს ლისაკი Telegram-ზე.
მისივე ინფორმაციით, იერიშის შედეგად საცხოვრებელ უბანში დაზიანდა მაღაზიის შენობა, კერძო სახლებსა და კორპუსებში ფანჯრების მინები ჩაიმსხვრა.
ავტორი: ექსპრესნიუსი,
epn.ge (@expressnews.ge)
