გარემოს დაცვის კვირეულის დასკვნითი ღონისძიება საჩხერის მუნიციპალიტეტში, აკაკი წერეთლის სახლ-მუზეუმის ეზოში გაიმართა.

კვირეულის ფარგლებში, რომლის მთავარი გზავნილი იყო „ვიცავ ჩემი ქვეყნის ბუნებას“, სკოლის მოსწავლეებისთვის ამავე სახელწოდების კონკურსი გაიმართა.

გარემოს დაცვის კვირეული დაცული ტერიტორიების სააგენტოს ინიციატივით, საქართველოს და შვედეთის მთავრობებს შორის მიმდინარე პროგრამის „გადავარჩინოთ ბუნება-საქართველო“ ფარგლებში განხორციელდა.

პროექტის ფარგლებში, საჩხერის მუნიციპალიტეტის სხვადასხვა სკოლის მოსწავლეებს შესაძლებლობა ჰქონდათ მონაწილეობა მიეღოთ კონკურსში და წარმოედგინათ ნამუშევრები თემაზე - „ვიცავ ჩემი ქვეყნის ბუნებას“ ესეს, ფოტო-სურათის ან ნახატის სახით. კვირეულს შეუერთდნენ დაცული ტერიტორიების სააგენტოს ტერიტორიული ადმინისტრაციები, რომლებმაც სხვადასხვა ეკოსაგანმანათლებლო აქტივობები განახორციელეს.

გარემოს დაცვის კვირეულის დასკვნით ღონისძიებას გარემოს დაცვის და სოფლის მეურნეობის მინისტრის მოადგილე იური ნოზაძე დაესწრო.

„გარემოს დაცვის კვირეულის ფარგლებში განხორციელებული აქტივობების მთავარი მიზანია, ჩვენმა მომავალმა თაობებმა ადრეულ ასაკშივე შეიმეცნონ და შეიყვარონ საქართველოს უნიკალური ბუნება და ბიომრავალფეროვნება. ამ მიზნის მისაღწევად, გარემოს დაცვის და სოფლის მეურნეობის სამინისტრო და დაცული ტერიტორიების სააგენტო არაერთ ღონისძიებას ახორციელებს, მათ შორის, სხვადასხვა ეკოსაგანმანათლებლო აქტივობებს, ლექცია-სემინარებს, კონკურსებს. მოხარული ვარ, რომ მოსწავლეების მხრიდან დაინტერესება დიდია; მათი არაჩვეულებრივი ნამუშევრები ვიხილეთ, რომლითაც საკუთარი დამოკიდებულება და სიყვარული გამოხატეს საქართველოს ბუნების მიმართ“, - აღნიშნა იური ნოზაძემ.

ინფორმაციას დაცული ტერიტორიების საგენტო ავრცელებს.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს