აქტივისტი ბექა პაპაშვილი აცხადებს, რომ მას შემდეგ, რაც "ქართული ოცნების" დეპუტატ ბექა ოდიშარიას ერთ-ერთ სუპერმარკეტში "რუსო მონა" დაუძახა, 3 პირი ფიზიკურად გაუსწორდა.

როგორც პაპაშვილმა "TV პირველს" უთხრა, თავდამსხმელებს შორის დეპუტატის შვილიც იყო. 

"როდესაც ინციდენტის შემდეგ გავედი გარეთ, მოვარდნენ მისი "ზონდერები" - მისი შვილიც ერთ-ერთი "ზონდერი" აღმოჩნდა, რომელმაც ამაყად თქვა, რომ ოდიშარიას შვილი ვარო. 3 ადამიანი გამისწორდა ფიზიკურად",- ამბობს პაპაშვილი.

რაც შეეხება თავად სუპერმარკეტში მომხდარ ინციდენტს, აქტივისტის თქმით, "რუსო მონას" დაძახების შემდეგ, ოდიშარია მას შეურაცხყოფას აყენებდა, დაცვა კი, მასთან მიახლოების საშუალებას არ აძლევდა.  

"ფრესკოს" მაღაზიაში ვიმყოფებოდი, როდესაც შევამჩნიე, რომ ამ მაღაზიაში შემოსული იყო ბატონი ბექა ოდიშარია, რომელიც არის "რუსულ კანონზე" ხელმომწერი და მას დავუძახე თავისი სახელი - ის არის მონა, ბიძინა ივანიშვილის მონა და ვთხოვდი პასუხს, თუ რატომ გაყიდა ქვეყანა და რატომ გვინდაგურებს მომავალს. ამაზე პასუხი იყო შეურაცხმყოფელი და რა თქმა უნდა, ამაზე ვუთხარი, რომ ის არის უზრდელი და უზრდელი ადამიანები გვიზიან დღეს პარლამენტში... 

"ქართული ოცნების" წევრები დღეს უკვე დაცვის გარეშე ვერ გადაადგილდებიან და დაცვის თანხლებით დადიოდა ის მაღაზიაში... დაცვამ არ მომცა შესაძლებლობა, ახლოს მივსულიყავი ოდიშარიამდე, ცდილობდნენ, რომ ხელი ეკრათ, ხელი შეეშალათ ჩემთვის",- უთხრა პაპაშვილმა "TV პირველს".

აღსანიშნავია, რომ აქტივისტმა სუპერმარკეტში მომხდარი ინციდენტის ამსახველი ვიდეოკადრები სოციალურ ქსელში გამოაქვეყნა. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს