„საქართველოს ბანკისა“ და საქართველოს ხელოვნური ინტელექტის ასოციაციის პარტნიორობა გრძელდება. ამჯერად, ფინანსური ინსტიტუტის მხარდაჭერით და ასოციაციის ორგანიზებით, 9 ივნისს, 13:00 საათზე, შეხვედრა - „ხელოვნური ინტელექტი და სტარტაპები“ გაიმართება. ღონისძიების მიზანი ქართული სტარტაპ ეკოსისტემის ხელშეწყობა და ინდუსტრიის წარმომადგენლებს შორის დაგროვებული გამოცდილებისა და ცოდნის გაზიარებაა. ღონისძიება საინტერესო იქნება მომავალი და მოქმედი სტარტაპერების, მონაცემთა მეცნიერებისა და ინჟინრების, სტუდენტებისა თუ სხვა პირებისთვის, ვისაც AI და ინოვაციები აინტერესებს.

ღონისძიებაზე განხილული იქნება შემდეგი საკითხები:

• რა არის AI სტარტაპი;

• როგორ ქმნის ღირებულებას AI სტარტაპი;

• რა პროგრამები და შესაძლებლობები არსებობს ახალი AI სტარტაპებისთვის;

• რა აინტერესებთ ინვესტორებს AI სტარტაპისგან;

• როგორია გლობალური AI სტარტაპების ტრენდები.

ღონისძიების სპიკერები არიან ქართველი სპეციალისტები, რომლებიც ტექნოლოგიური მიმართულებებით მუშაობენ. ამასთან, თავად ქმნიან სტარტაპებს ან ეხმარებიან სხვებს განვითარებაში. 

ღონისძიებაზე დრო დაეთმობა იდეების გაცვლის სესიასაც, რომლის ფარგლებში დამსწრეებს შესაძლებლობა ექნებათ, გაიცნონ პოტენციური პარტნიორები ან მიიღონ კვალიფიციური რეკომენდაცია დარგის სპეციალისტისგან.

„მსოფლიო სტარტაპ ეკოსისტემაში AI სტარტაპებს განსაკუთრებული ყურადღება ეთმობა.  ამიტომ მოხარული ვართ, რომ გვაქვს შესაძლებლობა, მხარი დავუჭიროთ ხელოვნური ინტელექტის ასოციაციის მიერ ორგანიზებულ ღონისძიებას „ხელოვნური ინტელექტი და სტარტაპები“. ჩვენი, როგორც ტექნოლოგიური ორგანიზაციის მიზანია, ხელი შევუწყოთ ყველაზე მოთხოვნადი ტექნოლოგიური მიღწევების შესახებ ინფორმაციის გაცვლას და სტიმული მივცეთ სტარტაპ ეკოსისტემის განვითარებით დაინტერესებულ ადამიანებს, იპოვონ თანამოაზრეები და საკუთარი იდეები რეალობად აქციონ. ჩვენ მომავალშიც არაერთ ღონისძიებას შევთავაზებთ როგორც ტექნოლოგიებით, ისე სტარტაპერობით დაინტერესებულ ადამიანებს“, - ამბობს მიხეილ ნადარეიშვილი, „საქართველოს ბანკის“ მონაცემთა ანალიტიკის დეპარტამენტის ხელმძღვანელი.

შეხვედრა გაიმართება თბილისში, ქართული სახვითი ხელოვნების მუზეუმში, რუსთაველის 7 ნომერში. ღონისძიებაზე დასწრება თავისუფალია. დამატებითი ინფორმაციის მისაღებად და რეგისტრაციისთვის ესტუმრეთ ამ ბმულს.

ავტორი: R (რეკლამა),

სოციალური ქსელები

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა

რუსეთში ტურისტული სააგენტოების მასობრივი დახურვა დაიწყო

თიბისი კაპიტალმა მაკროეკონომიკური განახლება გამოაქვეყნა