2024-06-06 23:21:40, 642 ნახვა
პოლიტიკა
აშშ-მა სავიზო შეზღუდვების პირველი პაკეტი გამოაცხადა, რომელიც „ოცნებისა“ და პარლამენტის წევრებს, სამართალდამცავებსა და კერძო პირებს მოიცავს
![]() ამერიკის შეერთებულმა შტატებმა "ქართული ოცნებისა" და პარლამენტის წევრების, სამართალდამცველებისა და კერძო პირების მიმართ სავიზო შეზღუდვების პირველი პაკეტი გამოაცხადა. ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე ისაუბრა. მილერის თქმით, სავიზო შეზღუდვა დასანქცირებული პირების ოჯახის წევრებზეც გავრცელდება. "ჩვენ ვდგამთ ნაბიჯებს, რომ დავაწესოთ სავიზო შეზღუდვები საქართველოს ათობით მოქალაქის მიმართ, მათ შორის იმ ინდივიდების წინააღმდეგ, ვინც პასუხისმგებელია ან არის თანამონაწილე, ან არის მათი ოჯახის წევრები, ვინც არის პასუხისმგებელი, ან თანამონაწილე საქართველოში დემოკრატიისთვის ძირის გამოთხრაზე. მათ შორის, პასუხისმგებელია შეკრების თავისუფლებისთვის ძირის გამოთხრისთვის, მშვიდობიან დემონსტრანტებზე ძალადობრივ თავდასხმებზე, სამოქალაქო საზოგადოების დაშინებაზე, დეზინფორმაციის განზრახ გავრცელებაზე. სავიზო შეზღუდვების ეს პირველი პაკეტი მოიცავს "ქართული ოცნების" წევრებს, პარლამენტის წევრებს, სამართალდამცველებსა და კერძო პირებს. ჩვენ იმედს ვიტოვებთ, რომ საქართველოს ლიდერები გადახედავენ მათ ქმედებებს და გადადგამენ ნაბიჯებს, რათა წინ წასწიონ მათი ქვეყნის დიდი ხნის, დემოკრატიული და ევროატლანტიკური მისწრაფება, მაგრამ თუ ასე არ მოხდება, აშშ მზადაა, გაატაროს დამატებითი ქმედებები",- განაცხადა მეთიუ მილერმა. კითხვაზე, რამდენი ათეული პირის წინააღმდეგ არის აღნიშნული სანქციები, სახელმწიფო დეპარტამენტის პრესსპიკერმა თქვა, რომ საუბარია ორ ან სამ ათეულ პირზე.
გიორგი მიქაუტაძის გოლით საქართველოს ნაკრები ჩეხეთის წინააღმდეგ დაწინაურდა - პირველი ტაიმი დაისრულდა
პროკურატურის ანონსი
ჩიხლაძე - ALDE-მ მიიღო რეზოლუცია, რომელიც EU-ს ქვეყნების მთავრობებს მოუწოდებს, დასანქცირდნენ ივანიშვილი და „ოცნების“ ლიდერები
ქალაქ ღაზაში ისრაელის თავდასხმას, სულ მცირე, 42 ადამიანი ემსხვერპლა
|
ომი უკრაინაში![]() რუსეთის ძალებმა უკრაინის სამხრეთ და დასავლეთ რეგიონებში ენერგეტიკული ინფრასტრუქტურა დაბომბეს - არიან დაშავებულები
![]() რუსებმა დონეცკის ოლქის ერთ-ერთი ქალაქი დაბომბეს - დაიღუპა 2 ადამიანი
![]() რუსეთის თავდაცვა - საჰაერო ძალებმა 114 უკრაინული დრონი გაანადგურეს
ვიდეო/LIVE საქართველოს დამოუკიდებლობის დღე - პირდაპირი
|