ბაზისბანკის და კოტე მარჯანიშვილის სახელობის თეატრს შორის გენერალური სპონსორობის ფარგლებში, 4 ივნისს, მარჯანიშვილის თეატრის დიდ სცენაზე, რეჟისორ ადრიან ჯურჯეას სპექტაკლის „ლა ვენეციანას“ პრემიერა გაიმართება.

"La Venexiana", მე-16 საუკუნის ანონიმური ვენეციელი ავტორის კომედიური პიესაა, რომელიც 1535-1550 წლებში დაიწერა და მოიაზრება, როგორც რენესანსის ხალხური თეატრის შედევრი. 1920-იან წლებში აღმოჩენილი ეს სპექტაკლი ცნობილია იმ პერიოდის ვენეციის კულტურული და სოციალური დინამიკის განსაკუთრებული ასახვით, აღწერს ქალაქის წეს-ჩვეულებებს, ენას და სხვადასხვა სოციალურ კლასებს შორის ურთიერთობას.

სპექტაკლის რომანტიული და გარკვეულწილად სარისკო შეთქმულება მოიცავს სხვადასხვა სოციალური ფენის პერსონაჟების რთულ ურთიერთკავშირს. მის ცენტრში მოქცეულია ორი ვენეციელი ქალი - მდიდარი ქვრივი ანჯელა და ახალგაზრდა დიდგვაროვანი ვალერია, რომლებსაც ერთი და იგივე ახალგაზრდა, ჯულიო შეუყვარდებათ და მის მონადირებას ცდილობენ, რაც იწვევს იუმორისტულ და რთულ, ჩახლართულ სიტუაციებს, ისინი იკვლევენ სურვილების, ცდუნებისა და სიყვარულის თანმდევ გამოწვევებს.

„ბაზისბანკი, ქართული კულტურის მხარდამჭერი პროექტების ფარგლებში, მესამე წელია კოტე მარჯანიშვილის სახელობის თეატრის გენერალური სპონსორია. ბანკსა და მარჯანიშვილის თეატრს შორის თანამშრომლობა მიზნად ისახავს თეატრალური ხელოვნების პოპულარიზაციას და ერთობლივი, მნიშვნელოვანი პროექტების განხორციელებას.  მოხარულები ვართ, რომ მარჯანიშვილის თეატრთან კვლავ აქტიურ რეჟიმში ვაგრძელებთ თანამშრომლობას და ვთვლით, რომ ხელოვნების სხვადასხვა დარგისთვის მნიშვნელოვანია ბიზნეს სექტორის მხარდაჭერა, რათა განვითარების მეტი შესაძლებლობა მივცეთ ქართულ კულტურას. დარწმუნებული ვარ, მომავალშიც ბევრ საინტერესო ერთობლივ პროექტს შევთავაზებთ მაყურებელს”, - აცხადებს ბაზისბანკის სტრატეგიული კომუნიკაციების დეპარტამენტის უფროსი, თამარ ხადური.

ავტორი: R (რეკლამა),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს