ჯანდაცვის მინისტრმა, მიხეილ სარჯველაძემ, მომავალ თაობას, ბავშვთა დაცვის საერთაშორისო დღე მიულოცა და საზოგადოებას მოუწოდა, რომ ბავშვის ინტერესი და მისი უფლება, არასდროს მოექცეს რომელიმე სხვა ინტერესის ჩრდილში.

„დღეს, 1 ივნისია, ბავშვთა დაცვის საერთაშორისო დღე. ყველა ბავშვს, გულითადად, ვულოცავ ამ ძვირფას დღეს და ვუსურვებ საუკეთესო მომავალს, კეთილდღეობას, ჯანმრთელობასა და ბედნიერებას. ყველას მოვუწოდებ, რომ ბავშვის ინტერესი და მისი უფლება, არასდროს მოექცეს სხვა, რომელიმე ინტერესის ჩრდილში“, - აღნიშნა ჯანდაცვის მინისტრმა.

მიხეილ სარჯველაძის განცხადებით, ჯანდაცვის სამინისტრო, ბავშვებისთვის, სისხლის უანგარო დონაციის კამპანიას იწყებს, რომელიც მთელი წლის განმავლობაში გაგრძელდება და კამპანიაში ჩართვის შესაძლებლობა ექნება ყველა მსურველს.

„1 ივნისი არის დღე, იმის შეხსენებისთვის, რომ ბავშვის ინტერესი, წლის ყოველ დღეს, უმთავრესია. ჩვენი მიზანია, რომ ჩვენს მომავალ თაობას, ბავშვებს, არაფერი აკლდეთ კეთილდღეობისთვის. ამიტომ, ჩვენი სამინისტრო, დღევანდელ დღეს - 1 ივნისს, გამოდის ინიციატივით, რომ დავიწყოთ სისხლის უანგარო დონაცია, ბავშვებისთვის, რომელიც მთელი წლის განმავლობაში გაგრძელდება. ჩვენ, შევკრებთ და გავაერთიანებთ ყველას, ვისაც ექნება ამ კამპანიაში მონაწილეობის სურვილი, რათა დაცული და უზრუნველყოფილი იყოს ყველას უფლება ჯანმრთელობაზე და უპირველესად, რა თქმა უნდა, ბავშვებისთვის“, - აღნიშნა მიხეილ სარჯველაძემ.

ინფორმაცია ჯანდაცვის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს