2016-02-13 17:34:52, 1567 ნახვა
მსოფლიო
კერი: სირიაში ვითარება არ გაუმჯობესდება, თუ ბაშარ ასადი პოსტს არ დატოვებს
აშშ-ის სახელმწიფო მდივანი სირიაში ვითარების გაუმჯობესებას იქამდე გამორიცხავს, სანამ ბაშარ ასადი პოსტს არ დატოვებს, - ამის შესახებ ჯონ კერიმ „Orient News“-თან ინტერვიუში განაცხადა.
„აშშ და ჩვენი ბევრი მოკავშირე, თვლის, რომ სირიაში ვითარებას, ბაშარ ასადი უფრო აღვივებს. ძნელია სირიაში მშვიდობასა და ვითარების გაუმჯობესებაზე ისაუბრო, მაშინ როდესაც ასადი პოსტს არ ტოვებს. მიზანშეწონილი იქნება, თუ ის პოსტს დატოვებს“, - განაცხადა აშშ-ის სახელმწიფო მდივანმა.
ინტერვიუში კერიმ, ასევე რუსეთი გააკრიტიკა და აღნიშნა, რომ მოსკოვი ასადის ყველა ოპონენტს ტერორისტად მიიჩნევს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
