ჩვენ არაერთი განცხადება, განმარტება გავაკეთეთ იმასთან დაკავშირებით, თუ რამდენად მნიშვნელოვანია ამ ყველაფრის გაკეთება. კანონპროექტი გამჭვირვალობის შესახებ ითხოვს მხოლოდ და მხოლოდ ერთ  რამეს, რომ არასამთავრობო ორგანიზაციებმა, ტელევიზიებმა, ვინც 20%-ზე მეტით ფინანსდება უცხოეთიდან, წარმოადგინოს დეკლარაცია წელიწადში ერთხელ,  -  ამის შესახებ თბილისის მერმა, „ქართული ოცნების“ გენერალურმა მდივანმა, კახა კალაძემ გადაცემაში „ვახო ხუზმიაშვილის თავისუფალი სივრცე“ განაცხადა.

როგორც კალაძემ აღნიშნა, შეუძლებელია გამჭვირვალობა ეწინააღმდეგებოდეს ევროპას.

მისივე თქმით, აღნიშნული კანონის შემოტანა მნიშვნელოვანია საქართველოს სუვერენიტეტის განმტკიცების და ქვეყნის მოსახლეობის გავლენის გაძლიერებისთვის.

„არასამთავრობო ორგანიზაციებმა, ტელევიზიებმა, ვინც 20%-ზე მეტით ფინანსებდა უცხოეთიდან, წარმოადგინოს დეკლარაცია წელიწადში ერთხელ და საზოგადოებას წარუდგინოს ყველა ის თანხა რომელი დონორი ორგანიზაციისგან იქნა მიღებული და კონკრეტული პროექტები, თუ რაში დაიხარჯა. ზოგადად, გამჭვირვალობა შეუძლებელია ეწინააღმდეგებოდეს ევროპას, ევროპულობას. პირველ რიგში, ხაზი მინდა გავუსვა იმას, რომ აღნიშნული კანონპროექტის შემოტანა, მიღება, რა თქმა უნდა, მნიშვნელოვანია ჩვენი ქვეყნისთვის, ხვალინდელი დღისთვის, იმისათვის, რომ გავაძლიეროთ ჩვენი ქვეყნის სახელმწიფოებრიობა და სუვერენიტეტი. ჩვენ უნდა შევამციროთ უცხოური გავლენა, გავაძლიეროთ ჩვენი ქვეყნის მოსახლეობის გავლენა და როგორც ქვეყნის შიგნით, ისე ქვეყნის გარეთ, ყველას ძალიან კარგად უნდა ესმოდეს, ყველაზე მთავარი და მნიშვნელოვანი - როდესაც ხდება ხელისუფლების ცვლილება, ამას ახდენს საქართველოს მოსახლეობის უმრავლესობა, ამ გადაწყვეტილებას იღებს არჩევნების გზით და არა რომელიღაც ქვეყნის აქტორები უცხოეთიდან. ეს არის ამ კანონის შინაარსი და აუცილებლობა, რომელიც იქნა მიღებული გადაწყვეტილებების სახით“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება