ამაში შეგიძლიათ მოიაზროთ ყველა ის ჯგუფი პოლიტიკოსებისა, ის კავშირები პოლიტიკოსებსა თუ არაპოლიტიკოსებს შორის, რომლებიც საქართველოს უბიძგებდნენ იმისკენ, რომ აქ ყოფილიყო არეულობა, - ამის შესახებ პარლამენტის თავმჯდომარემ, შალვა პაპუაშვილმა „გლობალური ომის პარტიასთან" დაკავშირებით ჟურნალისტებთან განაცხადა.

პაპუაშვილის თქმით, იმ შემთხვევაში, თუ მთავრობა გაითვალისწინებდა „ნაციონალური მოძრაობის“ და „ენჯეოების“ მოთხოვნას - მოხალისეების დაორგანიზებაზე, „საქართველო ომში ჩაერთვებოდა“.

„ამაში შეგიძლიათ მოიაზროთ ყველა ის ჯგუფი პოლიტიკოსებისა, ის კავშირები პოლიტიკოსებსა თუ არაპოლიტიკოსებს შორის, რომლებიც საქართველოს უბიძგებდნენ იმისკენ, რომ აქ ყოფილიყო არეულობა. და მე კიდევ ერთხელ გავიმეორებ, ისინი, ვინც ჩვენ გვეუბნებდნენ რომ საქართველოს მთავრობას უნდა დაეორგანიზებინა მოხალისები და გაეგზავნა ომში - აი, ის ჯგუფები არიან სწორედ ამის ნაწილი. ის ჯგუფები, რომლებიც ჩვენ გვეუბნებოდნენ, რომ სანქციები უნდა დავაწესოთ აუცილებლად და ამას ითხოვდნენ ჩვენგან. ეს არის სწორედ ნაწილი ამისა იმიტომ, რომ ამის ბოლოში საქართველოში, დიდი ალბათობით, ომის რისკი დგას.

ჩვენ, ომის დასაწყისში, როგორც შიგნით თუ გარეთ, საქართველოს მთავრობას მოგვიწოდებდა, რომ დაეორგანიზებინა მოხალისეები, როგორც ამას ითხოვდნენ აეროპორტში გამაგრებული და პარლამენტის წინ გამაგრებული „ნაციონალური მოძრაობა“ და ის „ენჯეოები", რომლებიც დღესაც აქტიურია.

ჩვენ მთავრობას რომ  დაეორგანიზებინა მოხალისეების ორგანიზებული გაშვება ომში, საქართველო ჩაერთვებოდა ომში, წერტილი“, - განაცხადა პაპუაშვილმა.

ავტორი: ექსპრესნიუსი,

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება