აშშ-ს სახელმწიფო დეპარტამენტის სპიკერმა ვედანტ პატელმა, ბრიფინგზე ჟურნალისტების კითხვებზე პასუხის გაცემისას, დაგმო საქართველოს მმართველი პარტიისა და მისი ხელმძღვანელობის სურვილები მიიღონ კანონი „უცხოური აგენტების შესახებ“, რომელიც ზღუდავს ქვეყნის მოქალაქეების უფლებებსა და დემოკრატიულ თავისუფლებებს.

„ეს ქმედებები, რომლებსაც ჩვენ ვხედავთ, შეუთავსებელია ქართველი ხალხის თვითგამოხატვასთან და მისწრაფებებთან. ქართველი ხალხის 80 პროცენტზე მეტს ევროკავშირში გაწევრიანება სურს. ჩვენ მხარს ვუჭერთ ამ მისწრაფებას და მოვუწოდებთ საქართველოს მთავრობას გააგრძელოს ევროკავშირთან ინტეგრაციის გზა... საქართველოს მთავრობამ განაცხადა, რომ მას სურდა ევროკავშირში გაწევრიანება და ურთიერთობა ტრანსატლანტიკურ ალიანსებთან, როგორიცაა ნატო, მაგრამ ისეთი საკანონმდებლო საქმიანობა, ეს მთავრობა მისდევს მის დასახულ მიზნებთან შეუსაბამოდ“, - აღნიშნა პატელმა.

პატელმა თქვა, რომ „ამ ქმედებებს ექნება შედეგები“, თუმცა უარი თქვა იმ ნაბიჯების დაკონკრეტებაზე, რომელიც შეიძლება გადადგას აშშ-ს ადმინისტრაციამ.

„ჩვენ გავაგრძელებთ მჭიდრო კონსულტაციებს ევროპაში ჩვენს პარტნიორებთან ამ საკითხთან დაკავშირებით“, - განაცხადა სახელმწიფო დეპარტამენტის წარმომადგენელმა.

თბილისში ამერიკელი მოქალაქეების დაკავების შესახებ კითხვაზე ვედანტ პატელმა დაარწმუნა, რომ „ამ მოქალაქეებს გაუწევენ ყველა საჭირო დახმარებას“.

კონფიდენციალურობის გამო, სახელმწიფო დეპარტამენტის წარმომადგენელმა უარი თქვა ამ ფაქტთან დაკავშირებით აშშ-ის ადმინისტრაციის მიერ მიღებული ზომების გამხელაზე, იუწყება ამერიკის ხმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს