პარლამენტის იურიდიულ საკითხთა კომიტეტმა "უცხოური გავლენის გამჭვირვალობის შესახებ" კანონპროექტს მესამე მოსმენით მხარი დაუჭირა. 

სხდომა დაწყებიდან, დაახლოებით, 2 წუთში დასრულდა.

როგორც კომიტეტის თავმჯდომარემ, ანრი ოხანაშვილმა საკომიტეტო მოსმენის დასრულების შემდეგ ჟურნალისტებს უთხრა, კანონპროექტის მიღება საზოგადოების დაკვეთაა.

"ჩვენი საზოგადოების დაკვეთაა, "გამჭვირვალობის შესახებ" კანონპროექტის მიღება, რომ ამ ქვეყანაში საქმიანობა იყოს გამჭვირვალე, რა თანხები შემოდის, როგორ იხარჯება და რა მიზანს ემსახურება",- თქვა ოხანაშვილმა.

კანონპროექტის მესამე მოსმენით მიღების პარალელურად, პარლამენტის მიმდებარე ტერიტორიაზე ფართომასშტაბიანი საპროტესტო აქცია მიმდინარეობს. მოქალაქეებმა, ლოზუნგით "გავათენოთ საქართველოსთვის" პარლამენტის შენობასთან დემონსტრაცია გამართეს, დილით კი, "ქართული ოცნების" დეპუტატები საკანონმდებლო ორგანოს შენობაში სტვენითა და შეძახილებით შეაცილეს.

"მონებო", "რუსებო" - სკანდირებდნენ აქციაზე შეკრებილები.

აღსანიშნავია, რომ პლენარულ სხდომაზე "უცხოური გავლენის გამჭვირვალობის შესახებ" კანონპროექტის მესამე მოსმენით მიღება ხვალ, 14 მაისს არის დაგეგმილი.

შეგახსენებთ, 3 აპრილს, "ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ უმრავლესობა "უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენდა. 8 აპრილს, კანონპროექტი ბიუროზე დაარეგისტრირეს, რის შემდეგაც პარლამენტმა მას პირველი და მეორე მოსმენით მხარი დაუჭირა.

მას შემდეგ, რაც კანონპროექტის საპარლამენტო განხილვები დაიწყო, ქვეყნის მასშტაბით, როგორც რეგიონებში, ისე დედაქალაქში, უწყეტი ფართომასშტაბიანი აქციები მიმდინარეობს. ერთ-ერთი ბოლო მრავალათასიანი დემონსტრაცია კი, 11 მაისს გაიმართა. 

დედაქალაქის 4 სხვადასხვა ლოკაციიდან - "ექსპო ჯორჯიას", მეტროსადგურ "300 არაგველის", რესპულიკისა და მარჯანიშვილის მოედნის მიმდებარე ტერიტორიიდან "ევროპის მარში" მოეწყო, რაც ევროპის მოედანზე მასშტაბური აქციით დასრულდა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს