ძალიან სასაცილო არის, როცა პოლიტიკოსები, სერიოზული, ვითომ მაღალი IQ-თი, ითვლიან, თუ ვეღარ ითვლიან, რამდენი ადამიანი იყო,- ამის შესახებ საქართველოს პრეზიდენტმა, სალომე ზურაბიშვილმა "ევროპის მარშთან" დაკავშირებით განაცხადა.

როგორც პრეზიდენტმა ცოტა ხნის წინ გამართულ საგანგებო ბრიფინგზე აღნიშნა, საქართველომ მსოფლიოს აჩვენა, რომ "რუსულ კანონს არ დაუშვებს".

"გუშინ, საქართველომ კიდევ ერთხელ აჩვენა მსოფლიოს და გვიჩვენა ჩვენ ყველას ძლიერად, მშვოდიანად, დამაჯერებლად, რომ არ დაუშვებს ევროპული მომავლის კითხვის ქვეშ დაყენებას; რომ არ დაუშვებს რუსულ კანონს. ეს არის და ეს. ამას ვერაფერი ვეღარ შეცვლის - ვერანაირი დათვლა თუ გადათვლა. ძალიან სასაცილო არის, როცა პოლიტიკოსები, სერიოზული, ვითომ მაღალი IQ-თი, ითვლიან, თუ ვეღარ ითვლიან, რამდენი ადამიანი იყო. არაფერი დათვლა არ არის საჭირო. ყველას წინაშე წარსდგა ის საზოგადოება, რომელიც ნამდვილად ამზადებს ხვალინდელ დღეს. ხელისუფლებამ თავის მხრიდან აჩვენა დაბნეულობა; აჩვენა, რომ არ აქვს ამ რაოდენობის ხალხის წინაშე არანაირი სტრატეგია თუ არა ის, რაც ახასიათებს ასეთ ხელისუფლებას, როცა უკვე ხალხის ნდობა მას აღარ აქვს - ანუ ტყილი, მანიპულაცია, რაღაც მიხრა-მოხრა, რომ გაუგებრობა შეიქმნას, მაგრამ ეს გაუგებრობა ვერ იქნება",- განაცხადა სალომე ზურაბიშვილმა.

შეგახსენებთ, გუშინ 11 მაისს თბილისში "ევროპის მარში" გაიმართა. მარში დედაქალაქის 4 სხვადასხვა ლოკაციიდან - "ექსპო ჯორჯიას", მეტროსადგურ "300 არაგველის", რესპულიკისა და მარჯანიშვილის მოედნის მიმდებარე ტერიტორიიდან დაიწყო და ევროპის მოედანზე ფართომასშტაბიანი დემონსტრაციით დასრულდა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს