თბილისში "უცხოური გავლენის გამჭვირვალობის შესახებ" კანონპროექტის საწინააღმდეგო აქცია დასრულდა.

ევროპის მოედანზე ათიათასობით მოქალაქე იყო შეკრებილი, მათ ძირითად მოთხოვნას კი, ხელისუფლების მიერ აღნიშნული კანონპროექტის უკან გაწვევა წარმოადგენდა. 

ფართომასშტაბიან აქციაზე იყო როგორც სიტყვით გამოსვლები, ასევე სხვადასხვა მუსიკალური ნომერი.

"არა რუსულ კანონს! კი ევროპას", "საქართველო" - სკანდირებდნენ ევროპის მოედანზე შეკრებილები.

აღსანიშნავია, რომ აქციის დაწყებამდე მოქალაქეებმა დედაქაალქის სამი სხვადასხვა ლოკაციიდან - მარჯანიშვილის მოედნიდან, მეტროსადგურ "300 არაგველისა" და რესპუბლიკის მოედნის მიმდებარე ტერიტორიიდან "ევროპის მარში" გამართეს და ევროპის მოედანზე მსვლელობით მივიდნენ.

მანამდე კიდევ ერთი მსვლელობა მოეწყო "ექსპო ჯორჯიადან", საიდანაც კანონპროექტის მოწინააღმდეგე მშობლები მარშით მარჯანიშვილის მოედანზე შეკრებილებს შეუერთდნენ. 

შეგახსენებთ, 3 აპრილს, "ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ უმრავლესობა "უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენდა. 8 აპრილს, კანონპროექტი ბიუროზე დაარეგისტრირეს, რის შემდეგაც პარლამენტმა მას პირველი და მეორე მოსმენით მხარი დაუჭირა.

მას შემდეგ, რაც კანონპროექტის საპარლამენტო განხილვები დაიწყო, ქვეყნის მასშტაბით, როგორც რეგიონებში, ისე დედაქალაქში, უწყეტი ფართომასშტაბიანი აქციები მიმდინარეობს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს