საქართველოს პრემიერ-მინისტრი აშშ-ის სახელმწიფო მდივნის თანაშემწეს ევროპისა და ევრაზიის საკითხებში ჯიმ ობრაიენს რამდენიმე დღეში შეხვდება. როგორც ირაკლი კობახიძემ საზოგადოებრივ-პოლიტიკური თოქ-შოუების წამყვანებთან შეხვედრისას განაცხადა, ჯიმ ობრაიენთან შეხვედრა ასევე დადასტურებული აქვს პარლამენტის თავმჯდომარეს.

„თემატიკაზე ვერაფერს გეტყვით, მე დადასტურებული მაქვს შეხვედრა მასთან რამდენიმე დღეში, ასევე პარლამენტის თავმჯდომარეს. ვიზიტი არის შეთანხმებული და შეხვედრებიც არის დადასტურებული. თემა სავარაუდოდ უკავშირდება კანონპროექტის განხილვას", - განაცხადა ირაკლი კობახიძემ.

ჟურნალისტის კითხვას, შესაძლოა, თუ არა, საუბარი იყოს პერსონალურ სანქციებზე, პრემიერმა უპასუხა, რომ ასეთი რამ არ შეესაბამება პარტნიორულ ურთიერთობებს.

„მე არ მგონია, რომ ასეთი რამ არ შეესაბამება პარტნიორულ ურთიერთობებს. ზოგადად, სანქციები არ არის ის, რაც შეიძლება გამოდგეს შანტაჟისთვის ხელისუფლების წინააღმდეგ და ხალხის წინააღმდეგ. ეს დე-ფაქტო სანქცია ჩვენი პარტიის დამფუძნებლის მიმართ უკვე მოქმედებს, მაგრამ ვერავითარი გავლენა ვერ მოახდინა ამ სანქციამ მისი მხრიდან კონკრეტულ ნაბიჯებზე. მან პრინციპული პოზიცია დაიკავა ყოველ ჯერზე, როცა ეს უკავშირდებოდა ქვეყნის ინტერესებს. მან გააკეთა განცხადება იმასთან დაკავშირებით, რომ მოთხოვნა იყო პოლიტიკაში დაბრუნება თავის დროზე - 2022 წელს, როცა ახალი დაწყებული იყო ომი და მოთხოვნა უკავშირდებოდა კონკრეტული ნაბიჯების გადადგმას, რაზეც უარი თქვა და გაგრძელდა შანტაჟი. დღემდე გაყინულია თანხები მის ანგარიშზე. ამიტომ, შანტაჟი არ არის ის, რითაც პარტნიორები უნდა საუბრობდნენ და შანტაჟი არ ჭრის არც ხელისუფლებაზე და არც ხალხზე", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს