შინაგან საქმეთა სამინისტრო აქციების დროს სანიმუშოდ იქცეოდა, - ამის შესახებ პარლამენტის თავმჯდომარე შალვა პაპუაშვილმა უმრავლესობის სხდომის დასრულების შემდეგ განაცხადა.

როგორც პაპუაშვილმა აღნიშნა, პოლიცია ყოველ ჯერზე უფრთხილდება იმ მდგომარეობას, რომ მოქალაქეები ზედმეტად არ დაზიანდნენ.

„ვერაფერს ვიტყვი შინაგან საქმეთა სამინისტროზე, რადგან ჩვენ ვართ საკანონმდებლო ხელისუფლების წარმომადგენელი, შინაგან საქმეთა სამინისტრო აღმასრულებელი ხელისუფლების წარმომადგენელია და არ არის მითითებებზე დამოკიდებული. შინაგან საქმეთა სამინისტროს წარმომადგენლები აქციების დროს სანიმუშოდ იქცეოდნენ, მათ შორის აქციის მონაწილეების, ჟურნალისტების დაცვის მხრივ, საუკეთესო სტანდარტებით. შინაგან საქმეთა მინისტრმა თქვა, როდესაც პარლამენტზე იყო ძალადობრივი თავდასხმა, აქციის მონაწილეთა მხრიდან, იყო მომენტი, როცა შეეძლოთ რეზინის ტყვიები გამოეყენებინათ და პოლიციამ ისინი არ გამოიყენა. უფრთხილდებიან, რომ მოქალაქეები ზედმეტად არ დაზიანდნენ, ვინაიდან ვიცით, რა ძალები დგანან ამის უკან. აქციის მონაწილეებს მარიონეტებად იყენებენ და ძალადობისკენ მოუწოდებენ. რაც შეეხება „ტვ პირველის“ შემთხვევას, პასუხი შინაგან საქმეთა სამინისტრომ უნდა გაგცეთ.

ნახეთ დიტო სამხარაძის ბავშვის მიმართ მკვლელობის მუქარა, როგორ მიწერეს პარლამენტის წევრს. თქვენგან და ოპოზიციისგან განსხვავებით, ძალადობას ჩვენ ყოველთვის, ყველას მიმართ ვგმობთ. ეს არის ყველას პასუხისმგებლობა. გარდა ამისა, ხელისუფლებას დამატებითი ვალდებულება აქვს, გამოიძიოს და მოძებნოს დამნაშავეები და ამას აკეთებს შინაგან საქმეთა სამინისტრო“, - განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს