ევროკავშირის გაფართოება უნდა გასცდეს იმ სახელმწიფოების ჩამონათვალს, რომლებსაც უკვე აქვთ კანდიდატის სტატუსი და ის უნდა მოიცავდეს ბელარუსსაც, - ამის შესახებ უკრაინის პრეზიდენტმა, ვოლოდიმირ ზელენსკიმ კიევში, ევროპარლამენტის პრეზიდენტ რობერტა მეცოლასთან ერთობლივ პრესკონფერენციაზე განაცხადა.

როგორც ზელენსკიმ აღნიშნა, უკრაინამ შეასრულა ყველა პირობა, რომ ივნისში დამტკიცდეს მოლაპარაკებების ჩარჩო და მართლაც დაიწყოს მოლაპარაკებები უკრაინის ევროკავშირში გაწევრიანებაზე.

„ჩვენ შევასრულეთ ყველა პირობა, რომ ივნისში დამტკიცდეს მოლაპარაკებების ჩარჩო და მართლაც დაიწყოს მოლაპარაკებები უკრაინის ევროკავშირში გაწევრიანებაზე. ასევე მნიშვნელოვანია, რომ სხვა ქვეყნებისთვის, რომლებიც იმსახურებენ ევროკავშირში ყოფნას, ევროპული ერთიანობა ნამდვილად მუშაობდეს, რომ მათაც მოახდინონ თავიანთი კანდიდატის სტატუსის რეალიზება.

ევროპა არის როგორც ბალკანეთი, ასევე მოლდოვა და აუცილებლად იქნება ევროპის დღე საქართველოსთვის და ევროპის დღე ბელარუსისთვის“, - განაცხადა ზელენსკიმ.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს