2024-05-09 11:50:04, 448 ნახვა
პოლიტიკა
ლექსმანი ბორელს და მიშელს - კიდევ რა გჭირდებათ, რომ ივანიშვილი საბოლოოდ დაასანქციროთ
ევროპარლამენტარი მირიამ ლექსმანი საქართველოში „უცხოური გავლენის გამჭვირვალობის შესახებ“ კანონპროექტთან დაკავშირებულ მოვლენებს ეხმაურება.
ლექსმანი სოციალურ ქსელში ევროკავშირის უმაღლეს წარმომადგენელს საგარეო პოლიტიკის და უსაფრთხოების საკითხებში, ჯოზეფ ბორელს და ევროპული საბჭოს პრეზიდენტს, შარლ მიშელს მიმართავს.
„ძვირფასო ჯოზეფ ბორელო და შარლ მიშელ, კიდევ რა გჭირდებათ იმისთვის, რომ ბიძინა ივანიშვილი ქართული დემოკრატიის განადგურების გამო საბოლოოდ დაასანქციროთ, ევროკავშირის დაფინანსება გაუყინოთ და ევროკავშირში გაწევრიანებაზე მოლაპარაკებების გახსნა შეწყვიტოთ? ახლა ქართული დემოკრატიის გადარჩენისა და ქართველ ხალხთან დგომის დროა“, - აღნიშნულია ლექსმანის განცხადებაში.
ავტორი: ექსპრესნიუსი,
epn.ge (@expressnews.ge)
