შეშფოთებული ვარ სამართალდამცველების მიერ თბილისში, ამ კვირაში დემონსტრანტებისა და მედიის წარმომადგენლების მიმართ ძალის არასაჭირო და არაპროპორციული გამოყენების შესახებ, - ასე ეხმაურება გაეროს ადამიანის უფლებათა უმაღლესი კომისარი ვოლკერ თურქი საქართველოში "უცხოური გავლენის გამჭვირვალობის შესახებ" კანონპროექტის წინააღმდეგ გამართული აქციებზე მიმდინარე მოვლენებს. 

ვოლკერ თურქი მოუწოდებს საქართველოს ხელისუფლებას "ეს კანონპროექტი უკან გაიწვიოს, და დიალოგში ჩაერთოს, მათ შორის სამოქალაქო საზოგადოებასა და მედიაორგანიზაციებთან".

ის ასევე მოუწოდეს დემონსტრანტებს, "ისარგებლონ თავიანთი უფლებებით მშვიდობიანად და არ მიმართონ ძალადობას".

"შეშფოთებული ვარ სამართალდამცველების მიერ თბილისში, ამ კვირაში დემონსტრანტებისა და მედიის წარმომადგენლების მიმართ ძალის არასაჭირო და არაპროპორციული გამოყენების შესახებ.

საქართველოს დედაქალაქ თბილისში ამ კვირაში სამართალდამცავი ორგანოების წარმომადგენლების მხრიდან დემონსტრანტებისა და მედიის წარმომადგენლების წინააღმდეგ ძალის არასაჭირო და არაპროპორციული გამოყენების შესახებ გავრცელებული ცნობები მაშფოთებს. 

ამ კვირაში ათასობით ქართველი აპროტესტებს კანონპროექტს "უცხოური გავლენის გამჭვირვალობის შესახებ" და ხელისუფლებამ სრულად უნდა სცეს პატივი და დაიცვას მათი უფლება გამოხატვის თავისუფლებისა და მშვიდობიანი შეკრების შესახებ. ამ უფლებების ნებისმიერი შეზღუდვა უნდა შეესაბამებოდეს კანონიერების, აუცილებლობისა და პროპორციულობის პრინციპებს. საპროტესტო გამოსვლების დროს ძალის გამოყენება ყოველთვის უნდა იყოს გამონაკლისი და უკიდურესი ზომა, როდესაც საფრთხეა მოსალოდნელი.

მოვუწოდებ ხელისუფლებას, ჩაატაროს სწრაფი და გამჭვირვალე გამოძიება საპროტესტო აქციების დროს ან მის შემდეგ, ასევე, დაკავების პროცესში არასათანადო მოპყრობის შესახებ. ყველა, ვინც თვითნებურად დააკავეს გამოხატვის თავისუფლებისა და მშვიდობიანი შეკრების უფლების გამოყენების გამო, დაუყოვნებლივ უნდა გათავისუფლდეს. უნდა მოიხსნას მათ წინააღმდეგ წაყენებული ბრალდებებიც.

მე ასევე მოვუწოდებ მომიტინგეებს და პროტესტის ორგანიზატორებს, ისარგებლონ თავიანთი უფლებებით მშვიდობიანად და არ მიმართონ ძალადობას.

საქართველოს ხელისუფლებას მოვუწოდებ, ეს კანონპროექტი უკან გაიწვიოს და ჩაერთოს დიალოგში, მათ შორის სამოქალაქო საზოგადოებასა და მედიაორგანიზაციებთან. იმ არასამთავრობო ორგანიზაციებისა და მედიასაშუალებების, რომლებსაც უცხოეთიდან ფინანსები შემოსდით, "უცხოურო ძალის ინტერესებით მოქმედ ორგანიზაციებად" მონათვლა სერიოზულ საფრთხეს უქმნის მათ გამოხატვისა და შეკრების თავისუფლებას", - აღნიშნულია თურქის განცხადებაში. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს