არავის აბუჩად ასაგდები ქართველები არ ვართ, არავის დასაჩაგრი საქართველო არ არის. ვერავინ ვერ მოგვერია ვერასდროს და ვერავინ ვერ მოგვერევა,- ამის შესახებ "მოქალაქეების" ლიდერმა, ალეკო ელისაშვილმა პარლამენტთან "უცხოური გავლენის გამჭვირვალობის შესახებ" კანონპროექტის წინააღმდეგ მიმდინარე აქციაზე განაცხადა.

ელისაშვილი სიტყვით გამოსვლისას პარლამენტში დღეს მომხდარ ინციდენტს გამოეხმაურა და თქვა, რომ აღნიშნულის შემდეგ "სახლში ახალგაზრდები მიუვარდნენ".

"სახლში მომივარდა რამდენიმე ახალგაზრდა ნიღბებით - ღმერთმა შეუნდოთ. ბავშვებს რას აკეთებინებენ, წარმოიდგინეთ. დაიწყეს რაღაცების მიხატვა და მოხატვა - "მოღალატე" და რაღაც. არც გამოვსულვარ სახლიდან. ჩემმა მეზობლებმა "კუდით ქვა ასროლინეს" ტვინარეულ ბავშვებს. მინდა, "ქართული ოცნება" გავაფრთხილო - ყველაფერზე წამსვლელები რომ ხართ, ვიცით, მაგრამ ჩემს ოჯახს თმის ბეწვი არ ჩამოუვარდეს, თორემ მერე მართლა გაჩვენებთ სეირს. მე აქ ვარ, არავის მეშინია. იქიდან რომ ბაქიბუქობდნენ და მემუქრებოდნენ - ვიცი, რაზეც მივდიოდი, ვიცი, რომ გავილახებოდი, მაგრამ საქართველოს ენაცვალოს ჩვენი თავი და ჩვენი სიცოცხლე. საქართველოს გაუმარჯოს!"- განაცხადა ელისაშვილმა.

შეგახსენებთ, დღეს, 15 აპრილს პარლამენტის იურიდიულ საკითხთა კომიტეტის სხდომაზე, სადაც "უცხოური გავლენის გამჭვირვალობის შესახებ" კანონპროექტის განხილვა მიმდინარეობდა, "მოქალაქეების" ლიდერმა, ალეკო ელისაშვილმა საპარლამენტო უმრავლესობის ლიდერს, მამუკა მდინარაძეს ხელი დაარტყა.

ავტორი: ექსპრესნიუსი,

სოციალური ქსელები

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს

რუბიო: ამჟამად უკრაინაში ომის მოლაპარაკებების გზით მოგვარების პერსპექტივა არ არსებობს

სოხუმმა განაცხადა, რომ საქართველოს პოზიციის გამო, აფხაზ ტანმოვარჯიშეებს თურქეთში ტურნირში მონაწილეობის უფლება არ მიეცათ

ივაჭრე კრიპტოთი თიბისის მობაილბანკში და მიიღე ბიტკოინი ბონუსად