ფინანსთა სამინისტროს შემოსავლების სამსახურის საბაჟო დეპარტამენტს ახალი ოთხფეხა მცველები შეემატნენ (4 გერმანული ნაგაზის ჯიშის ძაღლი - რენე, ენცო, მია, ჰანსი და 4 ბელგიური ჯიშის ძაღლი - სტელლა, მო, დიჯი, ჰანნა). ამის შესახებ ინფორმაციას შემოსავლების სამსახური ავრცელებს.

მათი ცნობით, კინოლოგიის სამსახური, რომელიც უწყებაში 2014 წელს ჩამოყალიბდა შექმნის დღიდან,  აქტიურად თანამშრომლობს უცხოელ პარტნიორებთან, რათა სხვადასხვა ქვეყნის წარმატებული გამოცდილების გაზიარებით მოხდეს მაქსიმალურად ეფექტური კინოლოგ-ოფიცერთა გუნდის შექმნა. მიმდინარე წლის ზაფხულში კინოლოგიის ცენტრი 10 წლის იუბილეს აღნიშნავს.

"საქართველოს მასშტაბით საბაჟო გამშვებ პუნქტებზე და გაფორმების ეკონომიკურ ზონებში  უსაფრთხოების კონტროლს კინოლოგ- ოფიცრები და ნარკოტიკული საშუალებების, ფსიქოტროპული ნივთიერებების, ასევე მათი პრეკურსორებისა და კონტრაბანდული თამბაქოს ნაწარმის ძებნა-აღმოჩენაზე სპეციალურად გაწვრთნილი 31 ძაღლი ახორციელებს.

აღსანიშნავია, რომ თანამედროვე ინფრასტრუქტურით აღჭურვილი კინოლოგიის ცენტრი ყოველწლიურად უფრო და უფრო ვითარდება და სამსახურებრივი ძაღლებისთვის ახალი კეთილმოწყობილი სივრცეები შენდება. საპროექტო სამუშაოების ფარგლებში, სრულად განახლდა საბაჟო გამშვებ პუნქტებზე - „წითელი ხიდი“ და „სადახლო-საავტომობილო“ ძაღლებისთვის განკუთვნილი ვოლიერები და ინფრასტუქტურა, სადაც სპეციალურად გაწვრთნილი ძაღლები 24 საათიან რეჟიმში ახორციელებენ სამსახურებრივ მოვალეობას და იცავენ საბაჟო საზღვარს. სწორედ, მათ უკავშირდებათ არაერთი მნიშვნელოვანი აღმოჩენა, მათ შორის, ნარკოტიკული საშუალებებისა და კონტრაბანდული თამბაქოს ნაწარმის აღმოჩენა.  უდიდესი მადლობა მათ ერთგული სამსახურისთვის!"- ნთქვამია შემოსავლების სამსახურის ინფორმაციაში.

ავტორი: NS (სტატია დაფინანსებულია),

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს