მდინარაძე - „ნაცების“ და „ნაცენჯეოებისთვის“ სიმართლის შიშის ხარისხი წარმოიდგინეთ - არგუმენტებით კი არა, „დარეპორტებით“ იბრძვიან შავი ფულისთვის

2024-04-07 12:57:09, 359 ნახვა

პოლიტიკა

"ნაცების" და "ნაცენჯეოებისთვის" სიმართლის შიშის ხარისხი წარმოიდგინეთ - არგუმენტებით კი არა, "დარეპორტებით" და დაბლოკვით იბრძვიან შავი ფულისთვის,- ამის შესახებ საპარლამენტო უმრავლესობის ლიდერი მამუკა მდინარაძე სოციალურ ქსელში წერს.

მდინარაძის განცხადებით, "უცხოური გავლენის გამჭვირვალობის შესახებ" კანონპროექტთან დაკავშირებით "სრული ისტერიაა".

"ნაცების" და "ნაცენჯეოებისთვის" სიმართლის (და ელემენტარული დეკლარაციის შევსების) შიშის ხარისხი წარმოიდგინეთ, რამდენად აგონიურად "არეპორტებენ" "ქარდებს" - დადებიდან სულ რამდენიმე წუთში.

არგუმენტებით კი არა, "დარეპორტებით" და დაბლოკვით იბრძვიან შავი ფულისთვის!

მაქსიმალური ძალები აქვთ ჩართული ყველა მხრიდან, სრული ისტერია... თუ თვითონ, თუ მათ პატრონებს, ოღონდ რეალური არგუმენტები ხალხმა არ ნახოს და გაიგოს. ამაზე მეტი ლუსტრაცია შეუძლებელია. ვეღარავის მოატყუებენ, გამორიცხულია! აბსოლუტურად ყველას ეცოდინება სიმართლე!"- წერს მდინარაძე "ფეისბუქის" გვერდზე.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),