2024-04-05 15:07:12, 524 ნახვა

---

შსს - ადიგენში შსს-ს თანამშრომლები არიან მობილიზებული - მოვუწოდებთ მოქალაქეებს, არ გასცდნენ შეკრების კანონით დადგენილ ნორმებს

დაბა ადიგენში, მართლწესრიგისა და უსაფრთხოების დაცვის მიზნით, შინაგან საქმეთა სამინისტროს შესაბამისი დანაყოფების თანამშრომლები არიან მობილიზებული. ამის შესახებ განცხადებას შსს ავრცელებს.

უწყება მოუწოდებს მოქალაქეებს, შეკრების კანონით დადგენილ ნორმებს არ გასცდნენ.

"მოვუწოდებთ ადგილზე შეკრებილ მოქალაქეებს, არ გასცდნენ გამოხატვის თავისუფლებისა და შეკრების კანონით დადგენილ ნორმებს.

სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი",- აღნიშნულია უწყების განცხადებაში.

ცნობისთვის, მანამდე დეპუტატმა, ტარიელ ნაკაიძემ გაავრცელა ინფორმაცია, რომლის მიხედვითაც, ადიგენში მუსლიმებს ლოცვაში ხელს უშლიან.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი