„ოცნებამ" თავისი განაცხადი ძალიან მკაფიოდ გააკეთა - ევროპას უთხრა - არა,- ასე ეხმაურება საქართველოს პრეზიდენტი სალომე ზურაბიშვილი გადაწყვეტილებას, რომლის მიხედვითაც, საპარლამენტო უმრავლესობა „უცხოური გავლენის გამჭვირვალობის შესახებ“ კანონპროექტს პარლამენტში ხელახლა წარადგენს.

როგორც პრეზიდენტმა ცოტა ხნის წინ გამართულ საგანგებო ბრიფინგზე განაცხადა, მმართველი პარტია საქართველოს მომავლის საბოტაჟითაა დაკავებული. 

„ოცნებამ" უკვე თავისი სახე გამოაჩინა. ერთი პერიოდი იყო - 15 დეკემბრიდან ერთი თვე, როცა გვეუბნებოდნენ, რომ ჩვენ მოვიპოვეთ ევროპული გადაწყვეტილება; ჩვენი დამსახურებაა, ყველაფერი ამისთვის გავაკეთეთ. ეს რაღაც ახალი რიტორიკა ცოტა ხნით გაგრძელდა. დღეს უკვე ყველაფერი ნათელია, „ოცნებამ" თავისი განაცხადი ძალიან მკაფიოდ გააკეთა - ევროპას უთხრა - არა, ყველა მიმართულებით, რაც წინა რეკომენდაციებში ეწერა, რაც ახლა 9 პუნქტში წერია... „ოცნება" არის დაკავებული ამ ჩვენი გზის და ჩვენი მომავლის საბოტაჟით - საბოტაჟი არის ერთადერთი სიტყვა, რაც მომაფიქრდა",- განაცხადა სალომე ზურაბიშვილმა.

ცნობისთვის, დღეს, 3 აპრილს „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ განაცხადა, რომ საპარლამენტო უმრავლესობა „უცხოური გავლენის გამჭვირვალობის შესახებ" კანონპროექტს პარლამენტში ხელახლა წარადგენს.

ავტორი: ექსპრესნიუსი,

სოციალური ქსელები

რუხის რესპუბლიკურმა საავადმყოფომ, ონკოლოგიური პაციენტებისთვის, პრეპარატების კლინიკაში უზრუნველყოფა უკვე დაიწყო

ეროვნული თავდაცვის აკადემიაში მაგისტრატურის პროგრამის კურსდამთავრებულთა გამოშვების ღონისძიება გაიმართა

კახეთის პოლიციამ დამამძიმებელ გარემოებაში ჩადენილი განზრახ მკვლელობის და ცეცხლსასროლი იარაღის უკანონო ტარების ბრალდებით 1 პირი დააკავა

ცაგერში ძმამ ძმა ნაჯახით მოკლა - დამნაშავე დააკავეს