2024-03-24 17:05:33, 746 ნახვა

---

GWP - გოძიაშვილის ქუჩაზე წყალსადენის მაგისტრალური ქსელი ავარიულად დაზიანდა - ადგილზე მობილიზებულია ტექნიკური ჯგუფი

თბილისში, საბურთალოს რაიონში, გოძიაშვილის ქუჩის N31-ის მიმდებარედ, წყალსადენის მაგისტრალური ქსელი ავარიულად დაზიანდა. ამის შესახებ ინფორმაციას "ჯორჯიან უოთერ ენდ ფაუერი" (GWP) ავრცელებს.

GWP-ის ცნობით, ადგილზე მობილიზებულია კომპანიის ტექნიკური ჯგუფი, წყლის დინების შესაჩერებლად დაიკეტა ჩამკეტ-მარეგულირებელი ურდულები და აღდგენითი სამუშაოები მაგისტრალური ქსელის წყლისგან დაცლისთანავე დაიწყება. 

"აღნიშნულთან დაკავშირებით, 15:30 საათიდან 25 მარტის 08:00 საათამდე წყალმომარაგება შეზღუდული ექნება: ვაშლიჯვრის დასახლებაში - სარაჯიშვილის, კვანტალიანის, გოძიაშვილის, ფარჯიანის, გელოვანის, იასამნის, ემუხვარის, თოფურიას და მაჭავარიანის ქუჩებს. ვაშლიჯვრის დასახლების მე-2ა, მე-3ა, მე-4 და მე-4ბ ზონებს",- ნათქვამია კომპანიის ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი