მე ვნახე მექსიკის ნარკოკარტელების სარდაფში მსხდომი ქართველები - ეს ხალხი მთლიანად ივანიშვილის სინდისზეა,- ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

სააკაშვილის თქმით, ბიძინა ივანიშვილმა მოუწოდა მათ, რომ საქართველო დაეტოვებინათ.

"მე ვნახე მექსიკის ნარკოკარტელების სარდაფში მსხდომი ქართველები. ეს არის ის ხალხი, ვინც არის მთლიანად ივანიშვილის სინდისზე. ივანიშვილმა მოუწოდა მათ, საქართველო დაეტოვებინათ. ესენი არიან მამები, რომელთან ჰქონდათ არჩევანი, ან უარი ეთქვათ თავის ოჯახზე. მრავალი წელი რომ მიდიხარ, შვილი და მეუღლე ვერ მიგყავს, უარს ამბობ საკუთარ ოჯახში ყოფნაზე, ოღონდ ბავშვს და ოჯახს საჭმელი ჰქონდეს. 20 ათასი დოლარი მოაგროვეს ყველა წყაროდან და ახლა ჩაუვარდნენ ნარკოკარტელებს ხელში. ეს ნიშნავს იმას, რომ პრაქტიკულად ახლა უნდა შეაგროვონ ფული ოჯახებმა და გამოიყვანონ უკან. ალბათ, სახლს და ყველაფერს დაკარგავენ, შესაძლოა, სიცოცხლეც. ეს ივანიშვილმა მოუწოდა, წადით უცხოეთშიო. როგორ სძინავთ ამის შემდეგ ივანიშვილს და მის ხელქვეითებს, როგორ არ აწუხებთ რაღაც ადამიანური მართლა“,- განაცხადა ექსპრეზიდენტმა.

ცნობისთვის, მედიაში გავრცელებული ინფორმაციის თანახმად, მექსიკის საზღვართან საქართველოს 30-მდე მოქალაქე გაიტაცეს - მოქალაქეები ნარკოკარტელს ჰყავს დაკავებული.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს