2024-03-16 18:42:43, 1820 ნახვა

---

გუბერნატორი - ბელგოროდის ოლქზე გახშირებული დარტყმების გამო, 18 და 19 მარტს სავაჭრო ცენტრები დაიხურება - შეწყდება სასწავლო პროცესიც

ბელგოროდის ოლქზე გახშირებული დარტყმების გამო, ორშაბათს და სამშაბათს დაიხურება სავაჭრო ცენტრები, ასევე შეწყდება სასწავლო პროცესი სკოლებსა და კოლეჯებში, მათ შორის დისტანციური სწავლება, - ამის შესახებ ბელგოროდის გუბერნატორმა, ვიაჩესლავ გლადკოვმა ვიდეომიმართვაში განაცხადა.

როგორც გუბერნატორი აღნიშნავს, ყველაზე რთული საბავშვო ბაღების დახურვაა.

„ჩვენ მოგმართავთ თხოვნით, თუ არის შესაძლებლობა, რომ ბავშვები ორშაბათს და სამშაბათს სახლში დარჩნენ. ამის შესაძლებლობა თუ არ არის, დავეხმარებით მშობლებს, თუ ისინი მუშაობენ კრიტიკულ სამსახურებში. გასაგებია, რომ აღმზრდელები, ძიძები და ტექნიკური პერსონალიც ღელავს“, - განაცხადა გუბერნატორმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი