დედაქალაქის მერი კახა კალაძე „მასტერ ლიგის“ დაჯილდოების ცერემონიას დაესწრო და დამსწრე საზოგადოებას სიტყვით მიმართა.

მან იმედი გამოთქვა, რომ ტურნირში წელსაც ბევრი ახალგაზრდა იქნება ჩართული.

„ბევრი ყოფილი ფეხბურთელი მონაწილეობს ამ ტურნირში და ბედნიერი ვარ, რომ ამ ტურნირის დაფუძნების თანამონაწილე ვარ. საქართველოში განსაკუთრებით უყვართ ფეხბურთი და იმ ახალგაზრდებისთვის, ვისაც სურვილი აქვთ, დაკავდნენ სპორტით, აღნიშნული ტურნირი ამის ძალიან მაგარი შესაძლებლობაა. წლიდან წლამდე ეს ტურნირი ძალებს იკრებს და დარწმუნებული ვარ, წელსაც ბევრი ახალგაზრდა იქნება ჩართული“, - განაცხადა კახა კალაძემ. 

მისივე თქმით, ერთიანი ძალისხმევით, ახალი თაობა  დაინახავს, რამდენად მნიშვნელოვანია სპორტი და ჯანსაღი ცხოვრების წესი. 

დედაქალაქის მერმა მადლობა გადაუხატა ტურნირის ორგანიზატორებსა და სპონსორებს. 

„მასტერ ლიგის“ მხარდაჭერისა და მის განვითარებაში შეტანილი წვლილისთვის დედაქალაქის მერი, უკვე მეორედ, მადლობის სიგელით დაჯილდოვდა. გარდა ამისა, კახა კალაძე წლევანდელი „მასტერ ქაფის“ საუკეთესო ბომბარდირად დასახელდა. 

ღონისძიებაზე დაჯილდოვდნენ დასავლეთ და აღმოსავლეთ „მასტერ ლიგების“, ასევე, „მასტერ ლიგა 3“-ის, „მასტერ ლიგა 2“-ის,  „მასტერ ლიგა 1“-ის, „თბილისის მერიის თასის“ და „მასტერ ქაფის“ ტურნირების მონაწილე საუკეთესო ფეხბურთელები და გუნდების  მენეჯერები, მათ შორის თბილისის მერიისა და მერიის უსაფრთხოების სამსახურის გუნდებიდან. 

7x7 ფეხბურთის ასოციაცია, უკვე მეექვსე წელია,  ორგანიზებას უწევს 7x7 საფეხბურთო ჩემპიონატებს, რათა ხელი შეეწყოს ფეხბურთის ამ სახეობის პოპულარიზაციას, ჯანსაღი და სპორტული ცხოვრების წესის დამკვიდრებას, პროფესიონალური, ნახევრად პროფესიონალური და სამოყვარულო საფეხბურთო ლიგების ჩამოყალიბებას.

ინფორმაციას თბილისის მერია ავრცელებს.

ავტორი: NS (სტატია დაფინანსებულია),

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე