2024-02-26 16:58:46, 690 ნახვა

---

მდინარაძე - საქართველომ, მისმა ხელისუფლებამ, მისმა ნებისმიერმა ხელისუფალმა უნდა უზრუნველყოს, რომ ლგბტ პროპაგანდისგან დაიცვას საზოგადოება და მომავალი თაობა

თანამედროვე ცივილიზებული სამყარო დღეს არის უდიდესი გამოწვევების წინაშე. ერთ-ერთი ასეთი გამოწვევაა ლგბტ პროპაგანდა და ეს არა მხოლოდ გამოწვევა, არამედ უდიდესი პრობლემაა. ამ უდიდესმა პრობლემამ, სამწუხაროდ, ოფიციალურ უწყებებშიც შეაღწია და გაჩნდა მითითებები, ასევე ოფიციალურ დონეზე, რომ გენდერული ნიშნით ცოტა სხვანაირად მოიხსენიონ ოჯახის წევრები, „დედა“ და „მამა“ არ უნდა იყოს, მხოლოდ „მშობელი“ უნდა იყოს ხსენებული და ა.შ. რაც არ უნდა მეგობრული დამოკიდებულება გქონდეს კონკრეტულ ქვეყნებთან, თუ მის ოფიციალურ წარმომადგენლებთან, ჩვენთვის ეს შემაშფოთებელი და უკიდურესად და კატეგორიულად მიუღებელია,- ამის შესახებ საპარლამენტო უმრავლესობის ლიდერმა, "ქართული ოცნების" აღმასრულებელმა მდივანმა, მამუკა მდინარაძემ განაცხადა.

მდინარაძის თქმით, „საქართველოში არასდროს ხელისუფლებასთან ახლოს არ უნდა იქნას გაკარებული არცერთი ჯგუფი თუ ადამიანი, რომელიც ლგბტ პროპაგანდის მხარდამჭერია". 

„ჩემი აზრით, საქართველოში არასდროს ხელისუფლებასთან ახლოს არ უნდა იქნას გაკარებული არცერთი ჯგუფი თუ ადამიანი, რომელიც ამ პროპაგანდის ავანგარდში, ან მხარდამჭერად შეიძლება იყოს. ამ შემთხვევასთან გვაქვს კონკრეტულად მოცემულ სიტუაციაში საქმე, ოჯახი, რომელიც აფინანსებს თავისი ფონდით ლგბტ პროპაგანდისტულ ფილმებს, რომელიც არა უფლებების დაცვას, ეს აბსოლუტურად გასამიჯნი თემაა და უნდა გავმიჯნოთ იმგვარად, რომ არავინ უნდა შეეხოს არანაირი უმცირესობის უფლებებს, არანაირი უმცირესობის წარმომადგენლებს და ჩვენ ყველამ ერთად თითოეული მათგანის უფლებები უნდა დავიცვათ ზედმიწევნით კარგად. თუმცა, მეორე უდიდესი პრობლემაა, ის, რომ ლგბტ პროპაგანდა სხვადასხვა მასშტაბებს იძენს და ოფიციალურ სტრუქტურებში შედის, არა მხოლოდ კინოების დონეზე, არა მხოლოდ შემოქმედებით დონეზე, არამედ ოფიციალურ სტრუქტურებში რომ ამ პროპაგანდამ შეაღწია ოფიციალური გადაწყვეტილებების სახით არის უკიდურესად შემაშფოთებელი და საქართველომ, მისმა ხელისუფლებამ, მისმა ნებისმიერმა ხელისუფალმა უნდა უზრუნველყოს, რომ ამისგან დაიცვას თავისი საზოგადოება და მომავალი თაობა“,- ამბობს მდინარაძე.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი