საქართველოს პროკურატურამ 2024 წელს, ნარკოდანაშაულისთვის ბრალდება 270 პირს წარუდგინა, მათ შორის 41 პირს ნარკოტიკული საშუალების უკანონო გასაღებისთვის, გასაღების მცდელობისა და მომზადებისთვის. ამის შესახებ ინფორმაციას საქართველოს გენერალური პროკურატურა ავრცელებს.

პროკურატურის ცნობით, შინაგან საქმეთა სამინისტრომ აღნიშნულ სისხლის სამართლის საქმეებზე ჩატარებული გამოძიებით დაადგინა, რომ დაკავებული პირები საქართველოს რეგიონებში, მატერიალური სარგებლის სანაცვლოდ, როგორც ტრადიციული (ხელიდან ხელში), ისე ე.წ. ,,ლოკაციებზე" განთავსების გზით ნარკოტიკებით ვაჭრობას ახორციელებდნენ. გატარებული ღონისძიებების შედეგად ამოღებულია უკანონოდ გასაღებული და ლოკაციებზე განთავსებული არაერთი სახის ნარკოტიკული საშუალება:  ,,ჰეროინი", ,,კოკიანი", ,,მეტამფეტამინი", ,,ალფა-პვპ", ,,ბუპრენორფინი" (სუბოტექსი), ,,მეთადონი", ,,მეფედრონი", ,,მორფინი" და ,,მარიხუანა".

"ნარკოტიკული საშუალების უკანონო გასაღებისთვის, გასაღების მცდელობისა და მომზადებისთვის ბრალდებული 41 პირიდან, ნარკოტიკული საშუალების გასაღების, გასაღების მცდელობისა და მომზადების ფაქტზე  ბრალდება წარდგენილი აქვს 16 პირს; დიდი ოდენობით და წინასწარი შეთანხმებით ჯგუფის მიერ ნარკოტიკული საშუალების გასაღების, გასაღების მცდელობისა და მომზადებისთვის -13 პირს; განსაკუთრებით დიდი ოდენობით ნარკოტიკული საშუალების გასაღებისა და გასაღების მომზადების ფაქტზე - 3 პირს, ხოლო 9 პირს - ,,მარიხუანას" უკანონო გასაღებისთვის. დანაშაულები სასჯელის სახით 3 წლიდან 20 წლამდე, ან უვადო თავისუფლების აღკვეთას ითვალისწინებს.

პროკურატურის შუამდგომლობის საფუძველზე, ბრალდებულების უმრავლესობას  სასამართლომ პატიმრობა უკვე შეუფარდა. ყველა სხვა დაკავებულის მიმართ აღკვეთის ღონისძიების სახით სასამართლოში ასევე მოთხოვნილი იქნება პატიმრობა.

აქვე, საზოგადოების ინფორმირების მიზნით გვინდა განვმარტოთ, რომ საქართველოს პროკურატურა უმკაცრეს სისხლის სამართლის პოლიტიკას ატარებს ნარკორეალიზატორების მიმართ და საპროცესო კანონმდებლობით გათვალისწინებული შეღავათები მათზე არ ვრცელდება. აღსანიშნავია ის შედეგებიც, რაც 2023 წელს სამართალდამცავ უწყებებს ჰქონდა ნარკოდანაშაულთან ბრძოლაში: სისხლისსამართლებრივი დევნა დაიწყო 210 ნარკორეალიზატორის მიმართ, ასევე ამავე დანაშაულზე გამამტყუნებელი განაჩენი უკვე დადგა 183 პირის მიმართ.   

პროკურატურა ნარკორეალიზატორების მიმართ მკაცრ სისხლის სამართლის პოლიტიკას მომავალშიც გააგრძელებს", - ნათქვამია პროკურატურის მიერ გავრცელებულ ინფორმაციაში.

ავტორი: ექსპრესნიუსი,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა