ბატონო შალვა, ეს წელი თქვენს ბიოგრაფიაში, პარლამენტის ისტორიაში და ამ ქვეყნის ისტორიაში შევა რუსული კანონის წლად, - ასე მიმართა პარტია „ლელოს“ წევრმა, ანა ნაცვლიშვილმა საქართველოს პარლამენტის თავმჯდომარეს, შალვა პაპუაშვილს.

ნაცვლიშვილის თქმით, შალვა პაპუაშვილმა "უცხოური აგენტების" კანონპროექტის დაინფიცირება საქართველოს წინააღმდეგ განხორციელებული "რუსული სპეცოპერაცია" იყო.

"ბატონო შალვა, ეს წელი არამხოლოდ თქვენს ბიოგრაფიაში, პარლამენტის ისტორიაში და ამ ქვეყნის ისტორიაში შევა რუსული კანონის წლად. ბევრი მტკიცებულებაა, რომ დიახ, ეს იყო რუსული კანონი და ეს იყო რუსული სპეცოპერაცია განხორციელებული საქართველოს სახელმწიფოს წინააღმდეგ თქვენი ხელით, მაგრამ ყველაზე ნათელი, ყველაზე მძიმე მტკიცებულება არის ახლა ის, რაც ხდება ოკუპირებულ აფხაზეთში, იქაც, ოკუპანტის მიერ დასმულმა ხელისუფლებამ დააინიცრა ზუსტად იგივე კანონი, ახლა, თქვენ გაარჩიეთ, პირველი თქვენ დაგიკვეთეს თუ მათ", - განაცხადა ნაცვლიშვილმა.

მისივე თქმით, პარლამენტი სათანადოდ ვერ ასრულებს საზედამხედველო ფუნქციას.

"ზედამხედველობის ნაწილი არის სრული ფიქცია. დღეს საქართველოს პარლამენტი არანაირი ზედამხედველობას არ ახორციელებს. ზედამხედველობა არ არის მადლობების დაღვრა მინისტრების მიმართ. ზედამხედველობა არის საკუთარი თანაგუნდელებისთვის სიმართლის თქმა, როდესაც ქვეყანაში არის მძიმე პრობლემები", - დასძინა ნაცვლიშვილმა.

ავტორი: ექსპრესნიუსი,

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს