უკრაინის შეიარაღებული ძალების მეთაურმა, ალექსანდრე სირსკიმ, განაცხადა, რომ დასრულდა უკრაინული ძალების გაყვანა დონეცკის რეგიონში ქალაქ ავდეევკადან.

”საოპერაციო ვითარების საფუძველზე, რომელიც განვითარდა ავდეევკას გარშემო, რათა თავიდან აიცილოს დიდი დანაკარგი და შეინარჩუნოს სამხედრო პერსონალის სიცოცხლე და ჯანმრთელობა, მან გადაწყვიტა ჩვენი დანაყოფები გაეყვანა ქალაქიდან და თავდაცვაზე გადასვლა უფრო ხელსაყრელ საზღვრებში”, - ნათქვამია უკრაინის შეიარაღებული ძალაბის ფეისბუქ გვერდზე.

პარასკევს, შუადღისას, ავდეევკას ცენტრში დროშებით გადაღებული ვიდეო გავრცელდა, სადაც რუსები ქალაქის ცენტრში იმყოფებიან. ცოტა ხნის წინ, ქალაქში სასტიკი ბრძოლები მიმდინარეობდა. ალექსანდრე ტარნავსკიმ, რომელიც უკრაინის შეიარაღებული ძალების  ერთ-ერთი მეთაურია თქვა, რომ "პერსონალი უკვე გამოყვანილი იქნა ავდეევკიდან" და უკრაინელმა სამხედროებმა "დაიკავეს დაცვა გარკვეულ ხაზებზე".

ამრიგად, კრემლმა, მიუხედავად მძიმე დანაკარგებისა, მიაღწია მიზნებს ამ მიმართულებით: უკრაინის შეიარაღებული ძალების ბოლო თავდაცვითი ხაზი, რომელიც 2014 წლიდან არ შეცვლილა, დაეცა.

რუსული ჯარები არაერთხელ ცდილობდნენ ავდეევკას ხელში ჩაგდებას 2022 წლის თებერვალში შეჭრის დასაწყისიდან. მასზე ფართომასშტაბიანი შეტევა განხორციელდა 2023 წლის შემოდგომაზე.

ავტორი: ექსპრესნიუსი,

სოციალური ქსელები

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს