ქედის მუნიციპალიტეტის მერი როლანდ ბერიძე, სოფელ ზედა მახუნცეთში სტიქიის შედეგად დაზარალებულ მოსახლეობას შეხვდა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, შეხვედრას მახუნცეთის ადმინისტრაციული ერთეულის წარმომადგენელი რევაზ ვარშანიძე და საკრებულოს მაჟორიტარი ლევან ვერძაძე ესწრებოდა.

"ზედა მახუნცეთში, გეოლოგიურმა სამსახურმა 13 ოჯახი შეისწავლა. ამ ეტაპზე, 3 ოჯახი დროებით გაყვანილია ქირით.

მერი ადგილზე გაეცნო მოსახლეობის მდგომარეობას და მოისმინა მათი საჭიროებების შესახებ ინფორმაცია, მოინახულა მეწყრული ლოკაციები.

აღსანიშნავია, რომ ქედაში რამდენიმე დღეა გეოლოგიური სამსახური სწავლობს მეწყერის შედეგად დაზარალებულ ოჯახებს და ტერიტორიებს.

გეოლოგიური დასკვნის საფუძველზე, რომელიც უახლოეს პერიოდში იქნება მზად, კომისია იმსჯელებს, დაითვლის ზარალს და თითოეულ მოქალაქეს გაეწევა შესაბამისი დახმარება.

ასევე, დასკვნით ეტაპზეა სოფლის ცენტრებთან მისასვლელი და შიდა საუბნო-სასოფლო გზების გაწმენდითი სამუშაოები", - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა