ხერხემლის ფართოდ გავრცელებული პრობლემები

2024-02-12 18:09:48, 824 ნახვა

საზოგადოება

ხერხემალი, ორგანიზმის საყრდენ-მამოძრავებელი სისტემის მთავარი ღერძია.

მისი პრობლემების ძირითადი გამომწვევი მიზეზები და რისკ ფაქტორებია:

ტრავმა
ინფექცია,
გენეტიკური ფაქტორი
ასაკთან დაკავშირებული პრობლემები
ჭარბი წონა
თანდაყოლილი დაავადებები
არასწორი ფიზიკური დატვირთვა და ა.შ.

ხერხემლის ფართოდ გავრცელებული პრობლემებია:

წელის ტკივილი:ერთ-ერთი ყველაზე გავრცელებული პრობლემაა.ის შეიძლება გამოიწვიოს კუნთებისა და მყესების დაჭიმულობამ,მალთაშუა დისკის თიაქარმა,არასწორმა პოზამ,ჭარბმა წონამ და სხვა.
სპონდილოზი:დამახასიათებელი სიმტომებია: ზურგის ტკივილი,კუნთების დაჭიმულობა ( დილის სააათებში ან ხანგრძლივი დასვენების შემდეგ), სახსარზე ან მის ახლოს მსუბუქი ზეწოლით მტკივნეულობა,შეშუპება, მოქნილობის დაკარგვა(ირღვევა სახსრის მოძრაობა მთელ დიაპაზონში).
თიაქარი:დაზიანებული მალთაშუა დისკის მისი ადგილმდებარეობიდან მთლიანი ან ნაწილობრივი გამოვარდნა.შეიძლება განვითარდეს ხერხემლის ნებისმიერ სეგმენტში, თუმცა ხშირია კისრისა და წელის არეში.თუ თიაქარი ახლოს მდებარე ნერვის ფესვს არ აწვება,პროცესი უმტკივნეულოდ მიმდინარეობს,წინააღმდეგ შემთხვევაში დამახასიათებელია ხერხემლის ტკივილი, კიდურების ტკივილი,კუნთების სისუსტე, დაბუჟებისა და ჩხვლეტის შეგრძნება.
ხერხემლის სტენოზი:ეს მდგომარეობა წარმოადგენს ხერხემლის არხის შევიწროებას, რამაც შეიძლება ზეწოლა მოახდინოს ზურგის ტვინსა და ნერვებზე.იწვევს ტკივილს,დაბუჟებასა და სისუსტეს.
სქოლიოზი:სქოლიოზს შესაძლოა თან სდევდეს მხრების ან თეძოების ასიმეტრიულობა,თავის ცენტრალური მდებარეობის დარღვევა,პოზის ცვლილება და ხერხემლის ტკივილი.ძირითადად დაავადება უვითარდებათ მოზარდებს
ოსტეოქონდროზი :ხერხემლის ქსოვილების დეგენერაციულ-დისტროფიული დაავადებაა,ოსტეოქონდროზის ძირითადი სიმპტომი ტკივილია,რომელიც შეიძლება იყოს როგორც ადგილობრივი,ასევე გადაცემითი. ტკივილი ვითარდება, როდესაც დეფორმირებული ძვლის ან დისკის სტრუქტურა ნერვს აწვება.სხვა კლინიკური ნიშნები დაზიანების ადგილმდებარეობაზეა დამოკიდებული.

რეაბილიტაცია ხერხემლის პრობლემების დროს

ხერხემლის მკურნალობა დამოკიდებულია პაციენტის ინდივიდუალურ ჩივილებზე და არსებულ მდგომარეობაზე. მკურნალობა შეიძლება იყოს როგორც კონსერვატიული, ასევე ქირურგიული. ანთების საწინააღმდეგო და არასტეროიდული საშუალებები და ფიზიოთერაპია მკვეთრად აუმჯობესებს მდგომარეობას.კონკრეტულად,თერაპიები რომლებიც გამოიყენება ხერხემლის პრობლემების სამკურნალოდ არის: