საერთაშორისო სათხილამურო ფედერაციის (FIS) შეჯიბრის დირექტორი - შეჯიბრის ორგანიზატორები ნამდვილი პროფესიონალები არიან

2024-02-05 09:45:40, 611 ნახვა

საზოგადოება

გუდაურში "სნოუბორდ კროსის დისციპლინაში" მსოფლიო თასის ჩემპიონატი დასრულდა. შეჯიბრი ორი დღის განმავლობაში ტარდებოდა, რომელშიც 17 ქვეყნის 90-მდე სპორტსმენი მონაწილეობდა.

ტურნირის დასასრულს გამოვლინდნენ გამარჯვებულები - ქალთა კატეგორიიდან პირველი ადგილი ბრიტანელმა სპორტსმენმა, შარლოტ ბენქსმა, ხოლო მამაკაცთა კატეგორიიდან პირველი ადგილი კანადელმა სპორტსმენმა, ელიოტ გრონდინმა დაიკავა.

საერთაშორისო სათხილამურო ფედერაციის (FIS) შეჯიბრის დირექტორის, უვე ბეიერის განცხადებით, შეჯიბრის ორგანიზატორები ნამდვილი პროფესიონალები არიან.

"გუდაურის შეჯიბრის ორგანიზებით ძალიან კმაყოფილები ვართ. მეორე დღეც განსაკუთრებული აღმოჩნდა, ორგანიზატორები ნამდვილი პროფესიონალები არიან. ინფრასტრუქტურაც მშვენიერია. ყველა ძალიან მონდომებული და ენთუზიაზმით სავსეა. ეს ზუსტად ის შემთხვევაა, როცა გლობალურად მოხდა კავკასიონის თეთრი მთების პოპულარიზაცია. დარწმუნებული ვარ, ეს ყველა სეზონის საუკეთესო ღონისძიება იქნება",- განაცხადა უვე ბეიერმა.

შეგახსენებთ, "სნოუბორდ კროსის დისციპლინაში" მსოფლიო თასის ჩემპიონატი 3-4 თებერვალს ჩატარდა. შეჯიბრის დასკვნითი ეტაპი კი, ბაკურიანში, დიდველის არეალში 10-11 თებერვალს გაიმართება.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),