სამთავრობო გეგმა, მოგეხსენებათ, გამომდინარეობს პარტიის იმ პროგრამიდან, რომელიც 2020 წლის არჩევნებზე წარვადგინეთ და რომლის გამოც, ჩვენმა მოსახლეობამ მხარი დაგვიჭირა. აქედან გამომდინარე, ყველა სამთავრობო გეგმა იმ საბაზისო მოცემულობის მქონე დოკუმენტზეა დაყრდნობილი, - ამის შესახებ პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.

მისი თქმით, მიმდინარე წლის სახელმწიფო ბიუჯეტი უკვე მიღებულია და მთავრობის მიერ შესასრულებელი გეგმები გაწერილია. რაც შეეხება მომავალი პრემიერ-მინისტრის პრიორიტეტებს, ქადაგიშვილის განცხადებით, ამის შესახებ თავად ირაკლი კობახიძე შემდეგ კვირაში ისაუბრებს.

"უნდა აღინიშნოს, რომ მიმდინარე წლის სახელმწიფო ბიუჯეტი არის მიღებული და მასში რა თქმა უნდა, ასახულია ის ძირითადი პროგრამები და გეგმები, რაც მთავრობას შესასრულებელი აქვს 2024 წელს და ბიუჯეტის კანონში, ეს ყველაფერი უკვე ფინანსურ მაჩვენებლებში არის გაწერილი. გამომდინარე აქედან, ეს სამთავრობო პროგრამა, რომელიც დღეისათვის ბიუჯეტით არის დამტკიცებული, იქნება ბოლომდე შესრულებული, იმიტომ, რომ ეს იყო ჩვენი გუნდის - მთავრობის და პარლამენტის ერთობლივი გადაწყვეტილებით მიღებული.

რა თქმა უნდა, პრემიერ-მინისტრობის კანდიდატი, ახალი პრემიერი დაეყრდნობა უკვე დაწყებულ საქმეებს, მაგრამ ბუნებრივია, თავისი პრიორიტეტები ექნება, გარკვეული პოლიტიკური ნიუანსები იქნება, რომელსაც წინ წამოსწევს. თუ რა იქნება კონკრეტულად ეს, გაჟღერდება მის გზავნილებში, როდესაც პარლამენტში მოვა შემდეგ კვირაში და ისაუბრებს პირადად მისი, როგორც ახალი პრემიერ-მინისტრის პოლიტიკურ გზავნილებზე", - განაცხადა ირაკლი ქადაგიშვილმა.

ავტორი: NS (სტატია დაფინანსებულია),

სოციალური ქსელები

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო

საქართველოს ბანკის და კომაროვის STEM სკოლაში 1 500-ზე მეტი მოსწავლე დარეგისტრირდა - აღმოაჩინე მოსწავლეებისთვის შექმნილი შესაძლებლობები

ტრამპის ადმინისტრაციამ საერთაშორისო სისხლის სამართლის სასამართლოს (ICC) სანქციები დაუწესა

რადიო თავისუფლება- ეროვნულმა ბანკმა ნახევარი მილიარდი ლარით დააჯარიმა კრიპტოკომპანია, რომელსაც ეროვნული ბანკის საბჭოს წევრი ნანა ყეინიშვილი წილს სთხოვდა