2024-01-23 14:38:25, 1398 ნახვა

---

რუსი ოკუპანტების თავდასხმის შედეგად ხარკოვში დაღუპულთა რიცხვი 3-მდე გაიზარდა - დაშავდა 42 ადამიანი

რუსი ოკუპანტების მიერ ხარკოვის დაბომბვის შედეგად დაღუპულთა რიცხვი 3-მდე გაიზარდა. ამის შესახებ ინფორმაციას ხარკოვის საოლქო-სამხედრო ადმინისტრაციის ხელმძღვანელი ოლეგ სინეგუბოვი Telegram-ზე ავრცელებს.

სინეგუბოვის თქმით, დაშავებულთა შორის 4 ბავშვია.

"დამპყრობლების თავდასხმების შედეგად დაღუპულთა რიცხვი 3-მდე გაიზარდა. დაშავდა 42 ადამიანი, მათ შორის 4 ბავშვია, რომელთა მდგომარეობაც საშუალო სიმძიმისაა", - წერს სინეგუბოვი.

ცნობისთვის, დღეს, 23 იანვარს რუსმა ოკუპანტებმა კიევსა და ხარკოვზე საჰაერო იერიში მიიტანეს.

კიევის მერის, ვიტალი კლიჩკოს განცხადებით, კიევზე თავდასხმის შედეგად დაშავდა, სულ მცირე, 9 ადამიანი, რომელთაგანაც ერთი ბავშვია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი