ივანიშვილის რეჟიმი, თავისი ბუნებიდან გამომდინარე, არის ავტორიტარული და ბუნებრივია, უფრო კომფორტულად გრძნობს თავს რუსეთთან, ჩინეთთან და სხვა ქვეყნებთან, სადაც დემოკრატია არ არის მმართველობის ფორმა,- ასე ეხმაურება "ერთიანი ნაციონალური მოძრაობის“ საერთაშორისო ურთიერთობების მდივანი ზურაბ ჭიაბერაშვილი Reuters-ის სტატიას.

ჭიაბერაშვილის განცხადებით, 2024 წლის საპარლამენტო არჩევნების შემდეგ "ქართული ოცნების" ხელისუფლებაში დარჩენა "საქართველოსა და დასავლეთს შორის კიდევ უფრო დიდი ნაპრალის გაჩენას  ნიშნავს".

"ის, რომ ანტიდასავლურია ივანიშვილის რეჟიმი, ეს განპირობებულია მისი ბუნებიდან გამომდინარე, ის თავისი არსით ავტორიტარულია და ბუნებრივია, უფრო კომფორტულად გრძნობს თავს რუსეთთან და იმ ქვეყნებთან, სადაც დემოკრატია არ არის მმართველობის ფორმა. "ქართული ოცნების“, ბიძინა ივანიშვილის ავტორიტარული რეჟიმის ძალაუფლებაში დარჩენა 2024 წლის შემდგომ ნიშნავს კიდევ უფრო დიდი ნაპრალის გაჩენას საქართველოსა და დასავლეთს შორის და რა თქმა უნდა, ასეთ ავტორიტარულ ქვეყანას არავინ მიიღებს ევროკავშირსა და ნატოში",-  აცხადებს ჭიაბერაშვილი.

ცნობისთვის, Reuters-ი "ქართული ოცნების" თავმჯდომარის, ირაკლი კობახიძის ხელმძღვანელობით მმართველი პარტიის ჩინეთის სახალხო რესპუბლიკაში ვიზიტზე წერს და ამბობს, რომ "ევროკავშირის წევრობის კანდიდატი ქვეყანა ჩინეთთან ურთიერთობების გაღრმავებას ცდილობს".

როგორც გამოცემა აღნიშნავს, საქართველოს მთავრობა, ბოლო წლების განმავლობაში ევროკავშირში გაწევრიანებას, ჩინეთთან და რუსეთთან ურთიერთობების გაღრმავების პარალელურად ცდილობს.

ავტორი: ექსპრესნიუსი,

სოციალური ქსელები

ზელენსკიმ აშშ სისუსტეში დაადანაშაულა

აშშ-მ რუსეთიდან დიზელის საწვავის მიწოდებაზე სანქციები 7 აპრილამდე მოხსნა

ტრამპმა პუტინთან მილიონობით ტონა დიზელის საწვავის მიწოდების შესახებ შეთანხმების შესახებ განაცხადა

PSP-ს საერთაშორისო აღიარება - Curasept-ის ჯილდო საუკეთესო საგანმანათლებლო პროექტისთვის