სოხუმისა და ცხინვალის უსაფრთხოების შემდგომი გაძლიერება აუცილებელია, - ამის შესახებ რუსეთის საგარეო საქმეთა სამინისტროს განცხადებაშია აღნიშნული, რომელიც უწყებამ ჟენევის საერთაშორისო მოლაპარაკებების 59-ე რაუნდის დასრულების შემდეგ გაავრცელა.

სამინისტროს განცხადებით, აუცილებელია, "სამართლებრივად სავალდებულო შეთანხმების გაფორმება აფხაზეთისა და "სამხრეთ ოსეთის" წინააღმდეგ საქართველოს მიერ ძალის გამოუყენებლობის შესახებ", ასევე, "დე ფაქტო საზღვრების დელიმიტაციისა და დემარკაციის პროცესის დაწყება".

„სოხუმისა და ცხინვალის უსაფრთხოების შემდგომი გაძლიერების აუცილებლობა ნაკარნახევია შავი ზღვის რეგიონში ნატოს მზარდი აქტივობით, ალიანსის მიერ საქართველოს სამხედრო განვითარების გეგმების განხორციელებით და ამ ქვეყნისთვის თანამედროვე ტიპის იარაღის მიწოდებით“, - ვკითხულობთ განცხადებაში.

უწყების ცნობითვე, შეხვედრის მონაწილეებმა გამოთქვეს საერთო ინტერესი სამხრეთ კავკასიაში უსაფრთხოების სხვადასხვა ასპექტზე რეგულარული დიალოგის შესანარჩუნებლად ჟენევის ფორმატის, როგორც მრავალმხრივი მოლაპარაკებების პლატფორმის შენარჩუნების შესახებ.

შეგახსენებთ, რომ 5-6 დეკემბერს, ჯენევის საერთაშორისო მოლაპარაკებების 59-ე რაუნდი გაიმართა, სადაც ჟენევაში ამერიკის შეერთებული შტატების დელეგაციამ რუსეთს 2008 წლის ცეცხლის შეწყვეტის შესახებ შეთანხმებით აღებული ვალდებულების შესრულებისკენ მოუწოდა.

ავტორი: ექსპრესნიუსი,

სოციალური ქსელები

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა